Digital Forensic, Research and Analytics Center

اتوار, فروری 5, 2023
spot_imgspot_imgspot_imgspot_img

Popular Posts

Latest

ناسا کے سائنس داں پال اینڈرسن نے ہندو دھرم اپنایا؟ پڑھیں-فیکٹ چیک

سوشل میڈیا پر ایک تصویر خوب وائرل ہو رہی ہے۔ اس تصویر میں دیکھا جا سکتا ہے کہ ایک غیر ملکی نژاد شخص اپنی فیملی کے ساتھ بھگوا کپڑا پہنا ہوا ہے۔ سوشل میڈیا یوزرس دعویٰ کر رہے ہیں کہ وہ ناسا کے سائنس داں پال اینڈرسن ہیں جنہوں نے ہندو دھرم سے متاثر ہو کر ہندو دھرم اپنا لیا ہے۔ 

اس پوسٹ کو شیئر کرتے ہوئے ایک فیس بک یوزر نے لکھا-’یہ ہیں ناسا کے سائنس داں پال اینڈرسن..🚩 جنھوں نے امریکہ میں رہتے ہوئے اپنے خاندان کے ساتھ ہندو دھرم کو اپنایا..! ہندو اپنے دھرم کی اہمیت سمجھو…! سناتن دھرم کی جے ہو‘۔

اس پوسٹ کو دو ہزار سے زیادہ لائکس مل چکے ہیں۔ 

Source: Facebook

وہیں ٹی وی اینکر سدھیر چودھری کے نام سے بنائے گئے فیس بک پیج پر ایک یوزر نے لکھا-’یہ ہیں ناسا کے سائنس داں پال اینڈرسن.. جنھوں نے امریکہ میں رہتے ہوئے پورے خاندان کے ساتھ ہندو سناتن دھرم کو اپنایا…! کیا آپ یہ سچ جانتے ہیں کہ ناسا کے چیف کا سنسکرت میں اسکالر ہونا لازم ہے..جے ہو سناتن دھرم کی..جے شری سیتا رام پربھو‘۔ 

اس پوسٹ کو بھی دو ہزار سے زیادہ یوزرس نے لائک کیا ہے۔ 

Source: Facebook

وہیں کئی دیگر سوشل میڈیا یوزرس کی جانب سے بھی اس تصویر کو شیئر کیا گیا ہے۔ 

Source: Facebook
Source: Facebook
Source: Facebook
Source: Facebook

فیکٹ چیک:

وائرل فوٹو کا فیکٹ چیک کرنے کی غرض سے جب DFRACکی ٹیم نے سرچ کیا تو پایا کہ یہ تصویر 2011 میں بھی اسی دعوے کے ساتھ وائرل ہو چکی ہے۔ کئی یوزرس نے بھی پال اینڈرسن کے ہندو دھرم اپنانے کا دعویٰ کیا تھا، جسے آپ یہاں دیکھ سکتے ہیں۔ 

Source: Twitter\
Source: Twitter

اس کے بعد ٹیم نے گوگل پر ناسا کے سائنس داں پال اینڈرسن کے ہندو دھرم کو اختیار کرنے سے متعلق سرچ کیا۔ ہمیں ’مین اسٹریم میڈیا‘ میں پبلش ایک بھی رپورٹ نہیں ملی۔ پھر ہماری ٹیم نے ناسا کی ویب سائٹ پر سائنس داں پال اینڈرسن کے تناظر میں معلومات اکٹھا کی۔ ہمیں ویب سائٹ پر پال اینڈرسن نام کا کوئی سائنس داں نہیں نظر آیا۔ 

نتیجہ:

DFRAC کے اس فیکٹ چیک سے واضح ہے کہ ناسا میں پال اینڈرسن نام کا کوئی سائنس داں نہیں ہے۔ اس لیے سوشل میڈیا یوزرس کی جانب سے کیا جا رہا دعویٰ غلط ہے۔