Digital Forensic, Research and Analytics Center

اتوار, فروری 5, 2023
spot_imgspot_imgspot_imgspot_img

Popular Posts

Latest

لالو پرساد یادو کو کڈنی ’بیٹی‘ نے نہیں نوکر نے عطیہ کیا تھا؟ پڑھیں، فیکٹ چیک

آر جے ڈی سپریمو لالو پرساد یادو کا سنگاپور میں کامیاب گردے کی پیوند کاری (کڈنی ٹرانسپلانٹ) ہوئی ہے۔ لالو پرساد یادو کو کڈنی ان کی بیٹی روہنی آچاریہ نے عطیہ کیا ہے۔ وہیں سوشل میڈیا پر یہ دعویٰ کیا جا رہا ہے کہ لالو پرساد یادو کو ایک نوکر نے کڈنی عطیہ کیا ہے، لیکن نام بیٹی روہنی کا بتایا جا رہا ہے۔

پونم کیسری نامی یوزر نے لکھا- ’لالو کے ’نوکر‘ نے ’کڈنی‘ دیا، نام ہو رہا ہے ’بیٹی‘ کا، اسے ’سیاست‘ کہتے ہیں، بیٹی اب الیکشن لڑے گی‘۔ اس ٹویٹ کو 5600 سے زیادہ لائک اور 1300 سے زیادہ بار ری_ٹویٹ کیا گیا ہے۔ پونم کیسری کے بایو کے مطابق وہ مودی سپورٹر ہیں اور ان کے ٹویٹر پر ایک لاکھ 55 ہزار سے زیادہ فالوورس ہیں۔

Source: Twitter

وہیں ایسا ہی دعویٰ ’بابا بونڈر ناتھ‘ نامی یوزر نے بھی کیا ہے۔ انہوں نے لکھا-’کڈنی دی لالو کے نوکر نے، نام ہو رہا ہے بیٹی کا، اسے کہتے ہیں ’راجنیتی‘۔ بیٹی اب الیکشن لڑے گی‘۔

Source: Twitter

اس ٹویٹ کو بھی پانچ ہزار سے زیادہ بار لائک، 1390 بار ری-ٹویٹ کیا گیا ہے۔ 

ان کے علاوہ کئی دیگر سوشل میڈیا یوزرس بھی اس سلسلے میں پوسٹ شیئر کر رہے ہیں۔ کچھ یوزرس یہ بھی سوال اٹھا رہے ہیں کہ روہنی اچاریہ نے جب کڈنی ڈونیٹ کیا ہے تو پھر آپریشن کے بعد وِکٹری سائن دکھا کر فوٹو کیسے کلک کروا رہی ہیں‘۔ 

Source: Twitter
Source: Twitter

فیکٹ چیک:

DFRAC کی ٹیم نے سب سے پہلے لالو پرساد یادو کی بیٹی روہنی آچاریہ کی وِکٹری سائن والے سیلفی کی پڑتال کی۔ ہمیں اس بابت روہنی اچاریہ کا ایک ٹویٹ ملا۔ روہنی اچاریہ نے اس ٹویٹ کو پانچ دسمبر 2022 کو صبح 5: 53 بجے کیا تھا۔ اس پوسٹ میں روہنی اچاریہ نے دو فوٹو پوسٹ کیا ہے۔ ایک فوٹو میں وہ اپنے والد لالو پرساد یادو کے ساتھ نظر آ رہی ہیں۔ انہوں نے لکھا،’ راک اینڈ رول کے لیے تیار مجھے دعائیں دیجیے‘۔ 

Source: Twitter

یہ تصویر آپریشن سے پہلے کی ہے۔ اس کے بعد روہنی کی بڑی بہن ڈاکٹر میسا بھارتی نے پانچ دسمبر 2022 کو دوپہر 12:02 بجے روہنی کی ICU والی تصویر پوسٹ کی۔ انہوں نے لکھا-’چھوٹی بہن روہنی کا ڈونر آپریشن کامیابی سے کیا گیا ہے۔ وہ اب آئی سی یو میں مکمل طور پر صحت مند ہیں۔ ابھی والد کا آپریشن ہو رہا ہے۔

Source: Twitter

اس پوسٹ کے ڈیڑھ گھنٹے بعد صبح 1:33 بجے میسا بھارتی نے ایک ویڈیو پوسٹ کیا جس میں لالو پرساد یادو کو آپریشن کے بعد ڈاکٹروں کی ٹیم لے جاتے ہوئے نظر آ رہی ہے۔ میسا بھارتی نے ویڈیو پوسٹ کرتے ہوئے لکھا-’پاپا کا آپریشن کامیابی سے ہو گیا ہے، پاپا اب بھی آئی سی یو میں ہیں، ہوش میں ہیں اور بات کرنے کے قابل ہیں! آپ سب کی نیک خواہشات کے لیے آپ سب کا شکریہ!‘

Source: Twitter

وہیں تمام میڈیا ہاؤسز کی جانب سے روہنی اچاریہ کے کڈنی ڈونیٹ کرنے کے سلسلے میں رپورٹ پبلش کی ہے۔ اس دوران صحافیوں، سماجی کارکنان اور رہنماؤں کی جانب سے روہنی اچاریہ کی کڈنی ڈونیٹ کرنے پر جم کر تعریف کی جا رہی ہے۔ 

اس کے بعد چھ دسمبر کو لالو کے بیٹے اور بہار کے نائب وزیراعلیٰ تیجسوی یادو بھی سنگا  پور والد اور بہن کو دیکھنے اسپتال پہنچے۔ انہوں نے آئی سی یو میں  داخل بہن روہنی کی تصویر کو پوسٹ کرتے ہوئے لکھا،’آپریشن کے بعد میری پیاری بہن روہنی اچاریہ نے بے پناہ پیار، لا محدود قربانی، ہمت، بے مثال جاں نثاری اور رِستے رشتوں کے موجودہ دور میں ناقابل تصور خاندانی اقدار کی جو منفرد مثال قائم کی ہے، وہ ناقابل بیان اور ناقابل فراموش ہے‘۔ 

Source: Twitter

نتیجہ:

DFRAC کے فیکٹ چیک سے واضح ہے کہ لالو پرساد یادو کو کڈنی ڈونیٹ ان کی بیٹی روہنی اچاریہ نے ہی کیا ہے۔ وہیں سوشل میڈیا یوزرس روہنی کے جس سیلفی پر نشانہ بنا رہے ہیں، وہ سیلفی آپریشن سے پہلے کی ہے۔ اس لیے سوشل میڈیا یوزرس کی جانب سے کیا جانے والا دعویٰ غلط ہے۔