فیکٹ چیک: یمن کا 2020 کا ویڈیو بھارت-پاکستان سرحد پر فائرنگ کا بتا کر وائرل

22 اپریل کو جموں و کشمیر کے پہلگام میں سیاحوں پر دہشت گرد حملے کے بعد بھارت اور پاکستان کے درمیان کشیدگی عروج پر ہے۔ اس دوران پاکستان میں سوشل میڈیا پر کئی جھوٹی اور گمراہ کن خبریں پھیلائی جا رہی ہیں۔ پاکستانی یوزرس پرانے واقعات کے ویڈیوز کو بھارت-پاکستان سرحد پر فائرنگ کا بتا کر شیئر کر رہے ہیں۔

ایکس (سابقہ ٹوئٹر) پر "پاکستانی آرمی” کے نام سے چلنے والے ایک ہینڈل @Pakistan1_Army نے یمن میں حوثی باغیوں کی دراندازی روکنے کی کارروائی کا 2020 کا ایک ویڈیو بھارت-پاکستان سرحد پر فائرنگ کا بتا کر شیئر کیا ہے۔ ویڈیو کے ساتھ کیپشن لکھا گیا: "رات کا منظر: پہلی بار میدان سے فوٹیج دکھایا گیا۔ پاکستانی فوج نے آہنی ہاتھوں سے وار کیا۔ اللہ اکبر، اور اللہ کی حمد ہو۔ پاکستانی فوج کے لیے آپ کی دعائیں۔”

Link

فیکٹ چیک

DFRAC کی ٹیم نے ویڈیو کے کچھ فریمز کو گوگل لینس کی مدد سے ریورس امیج سرچ کیا۔ ہمیں یہ ویڈیو عربی زبان کے YouTube چینل المركز الإعلامي لألوية العمالقة الجنوبية پر 1 فروری 2020 کو اپلوڈ شدہ ملا۔

Link

ویڈیو کے ساتھ بتایا گیا ہے کہ یہ ویڈیو یمن کے "الحدیدہ گورنریٹ” کا ہے، جہاں رات کے وقت حوثی باغیوں کی دراندازی کو روکنے کے لیے سکیورٹی فورسز کی جانب سے فائرنگ کی گئی تھی۔

ویڈیو کی تفصیل کے مطابق، مشترکہ فورسز نے یمن کے جنوب میں "الدریہمی” محاذ پر حوثی باغیوں کے ایک خودکش دراندازی کے حملے کو ناکام بنایا۔ ویڈیو میں رات کے وقت ہونے والی کارروائی کی فوٹیج ہے جس میں فورسز اور باغیوں کے درمیان جھڑپیں دکھائی گئی ہیں۔

نتیجہ

DFRAC کے فیکٹ چیک سے واضح ہے کہ وائرل ویڈیو بھارت اور پاکستان کے درمیان سرحد پر فائرنگ کا نہیں بلکہ یمن میں 1 فروری 2020 کو حوثی باغیوں کی دراندازی کو روکنے کا ہے۔ اس لیے سوشل میڈیا پر کیا گیا دعویٰ گمراہ کن ہے۔