Digital Forensic, Research and Analytics Center

اتوار, فروری 5, 2023
spot_imgspot_imgspot_imgspot_img

Popular Posts

Latest

فیکٹ چیک: جیولری شاپ ڈکیتی معاملے میں صرف ملزم عبدل کو ہی نہیں بلکہ آشیش کو بھی خورجہ پولیس نے کیا ڈھیر

گذشتہ برس نومبر میں یوپی کے ضلع بلند شہر میں ایک صرافہ تاجر کو ڈکیتی کے دوران گولی مار کر ہلاک کر دیا گیا تھا۔ اس معاملے میں یوپی پولیس کو دو ملزموں کی تلاش تھی۔

اس سلسلے میں بھارتیہ جنتا پارٹی (بی جے پی) کے رہنما پرشانت اُمراؤ نے ٹویٹ کرکے ایک ویڈیو شیئر کیا۔ یہ بھی لکھا کہ بلند شہر میں جویلری شاپ لوٹ کے ملزم عبدل کو خورجہ پولیس نے کیا ڈھیر۔

Source: Twitter

اس ویڈیو کو اب تک ایک لاکھ 82 ہزار سے زیادہ بار دیکھا جا چکا ہے اور 800 سے زیادہ بار ری-ٹویٹ کیا جا چکا ہے۔

فیکٹ چیک:

بی جے پی کے رہنما پرشانت اُمراؤ کے دعوے کی تصدیق کے لیے DFRAC ٹیم نے اس سلسلے میں گوگل پر کچھ کی-ورڈ سرچ کیے۔ اس دوران ہمیں اے بی پی نیوز کی ایک رپورٹ ملی۔

Source: ABP News

رپورٹ میں بتایا گیا کہ بلند شہر کی سٹی پولیس نے انعامی بدمعاش  آشیش اور خورجہ نگر، خورجہ دیہات اور پہاسو پولیس کی مشترکہ کارروائی میں عبدل نامی انعامی بدمعاش کو مار گرایا ہے۔ انکاؤنٹر میں ہلاک ہونے والے دونوں انعامی بدمعاشوں کے خلاف تقریباً ایک درجن فوجداری مقدمات درج ہیں۔ ان دونوں پر دو ماہ قبل بلند شہر نگر کوتوالی علاقے کے دھمیڈا اڈے پر دن دہاڑے ایک صرافہ کو گولی مار کر دکان لوٹنے کا بھی الزام تھا۔

اس کے علاوہ ہمیں بلند شہر پولیس کا آفیشل ٹویٹر اکاؤنٹ بھی ملا۔ بلند شہر پولیس کی طرف سے جاری کردہ پریس ریلیز میں بھی اس بات کی تصدیق کی گئی ہے کہ دونوں ملزم پولیس کی کارروائی میں مارے گئے۔

Source: Twitter

نتیجہ:

زیرِ نظر DFRACکے اس فیکٹ چیک سے واضح ہے کہ پرشانت اُمراؤ کا دعویٰ گمراہ کن ہے، کیونکہ پولیس کارروائی میں نہ صرف عبدل بلکہ آشیش کی بھی موت ہوئی ہے۔