Digital Forensic, Research and Analytics Center

اتوار, فروری 5, 2023
spot_imgspot_imgspot_imgspot_img

Popular Posts

Latest

کیا راہل گاندھی نے ہندی زبان کی اہمیت پر سوال اٹھایا؟ پڑھیں-فیکٹ چیک

سوشل میڈیا سائٹس پر ویڈیو کا ایک کولاج وائرل ہو رہا ہے۔ ویڈیو کے بائیں جانب دیکھا اور سنا جا سکتا ہے کہ راہل گاندھی،  انگریزی ممالک کے آس پاس ہندی زبان کی اہمیت پر سوال اٹھا رہے ہیں اور دائیں جانب وزیر اعظم نریندر مودی اقوام متحدہ کی جنرل اسمبلی میں ہندی میں تقریر کر رہے ہیں۔

سوشل میڈیا یوزرس اس ویڈیو کو شیئر کرکے دعویٰ کر رہے ہیں کہ راہل گاندھی نے ہندی زبان کی اہمیت پر سوال اٹھایا اور دوسری جانب پی ایم نریندر مودی نے اقوام متحدہ میں ہندی میں تقریر کرکے ملک کی عزت افزائی کی۔

اس تصویر کو شیئر کرتے ہوئے ویر بہادر چوہان ویرو نامی یوزر نے کیپشن دیا:’فرق صاف ہے، ایک طرف راہل گاندھی (@RahulGandhi) ہندوستان میں ہندی زبان پر سوال اٹھا رہے ہیں، دوسری طرف پی ایم نریندری مودی (@narendramodi) یو این میں ہندی میں بول کر ملک کا وقار بلند کر رہے ہیں‘۔ 

Source  Twitter

اس دوران کئی دیگر سوشل میڈیا یوزرس بھی یہی دعویٰ کر رہے ہیں۔

Source Twitter
Source Twitter
Source  Facebook

فیکٹ چیک:

وائرل ویڈیو کی حقیقت جاننے کے لیے DFRAC کی ٹیم نے راہل گاندھی کی تقریر کے حوالے سے کچھ مخصوص کی-ورڈ سرچ کیا۔ ہمیں 19 دسمبر 2022 کو کانگریس پارٹی کے آفیشیل یوٹیوب چینل پر اپلوڈ ویڈیو  ملا، جسے سرخی دی گئی ہے،’راجستھان کے الور میں بھارت جوڑو یاترا میں راہل گاندھی کی پوری تقریر‘۔ 

Source  YouTube

پورا ویڈیو تقریباً 22 منٹ 52 سیکنڈ کا ہے۔ 7:46 سے 10:46 تک یہ سنا جا سکتا ہے کہ-’بی جے پی کے رہنما انگریزی زبان کے خلاف بولتے ہیں، لیکن ان کے بچے، خواہ وہ امت شاہ کے ہوں، ان کے وزرائے اعلیٰ ہوں، رکن اسمبلی ہوں اور رکن پارلیمنٹ ہوں، ہر ایک انگش میڈیم اسکول میں جاتا ہے۔ لیکن وہ انگریزی کے خلاف بولتے ہیں کیونکہ وہ نہیں چاہتے کہ غریب، کسان اور مزدور کے بچے انگریزی سیکھیں‘۔ 

9:36 سے راہل گاندھی کو یہ کہتے ہوئے سنا جا سکتا ہے:’میں یہ نہیں کہہ رہا ہوں کہ ہندی مت پڑھو، تمل مت پڑھو، مراٹھی پڑھی جانی چاہیے اور بھارت بھر کی تمام زبانوں کو پڑھا جانا چاہیے۔ اگر آپ باقی دنیا کے لوگوں سے بات کرنا چاہتے ہیں، امریکی شہریوں سے بات کرنا چاہتے ہیں، جاپان انگلینڈ کے لوگوں سے بات کرنا چاہتے ہیں تو ہندی فائدہ مند نہیں ہوگی، وہاں محض انگریزی کام کرے گی۔ 

  مزید سرچ کرنے پر، ہمیں پی ایم نریندر مودی کے آفیشل یوٹیوب چینل پر ان کا ایک ویڈیو بھی ملا جسے سرخی دی گئی ہے: ’وزیراعظم مودی کا اقوام متحدہ کی جنرل اسمبلی میں خطاب‘ (اردو ترجمہ)

Source YouTube

نتیجہ:

DFRAC کے فیکٹ چیک سے یہ واضح ہے کہ ہندی زبان کی اہمیت پر راہل گاندھی کے سوالات کے حوالے سے سوشل میڈیا یوزرس کا وائرل دعویٰ آدھا ادھورا اور گمراہ کن ہے۔