فیکٹ چیک: کیا ممتا بنرجی نے ہندو دھرم کی توہین کی؟ نہیں، وائرل دعویٰ غلط ہے

گزشتہ دنوں مغربی بنگال کی وزیر اعلیٰ ممتا بنرجی عید کے موقع پر کولکاتا کے ریڈ روڈ علاقے میں منعقدہ ایک پروگرام میں شریک ہوئیں۔ اس دوران انہوں نے مسلم کمیونٹی کو عید کی مبارکباد دی۔ اس پروگرام سے منسلک ایک ویڈیو اب سوشل میڈیا پر وائرل ہو رہا ہے۔ دعویٰ کیا جا رہا ہے کہ ممتا بنرجی نے ہندو دھرم کی توہین کرتے ہوئے ہندو مذہب کو ایک "گندہ مذہب” کہا۔

سوشل میڈیا سائٹ X پر ویریفائیڈ یوزر ارون یادو نے وائرل ویڈیو کو شیئر کرتے ہوئے لکھا: "ممتا بغدادی کے مطابق ہندو دھرم ایک گندہ مذہب ہے، دیکھ رہے ہو نا بنگالیوں۔”

Source: X

ایک اور یوزر، الکا ہندو (سماجی کارکن) نے ویڈیو کا اسکرین شاٹ شیئر کرتے ہوئے لکھا: "ممتا کے مطابق ہندو مذہب گندہ ہے، اس لیے وہ گندے لوگوں کو بنگال میں مروا رہی ہے۔ اس میں غلط کیا ہے؟ غلط تو وہ ہندو لیڈر کر رہے ہیں جو اپنے آپ کو ہندو کہتے ہیں اور ہاتھ پر ہاتھ رکھ کر تماشہ دیکھ رہے ہیں۔”

فیکٹ چیک

وائرل ویڈیو کے ساتھ کیے گئے دعوے کی جانچ کے لیے DFRAC نے گوگل پر کچھ کی ورڈز تلاش کیے۔ اس دوران ہمیں ایسا ہی ایک ویڈیو YouTube پر ملا، جسے نیوز 18 بنگلہ نے 31 مارچ 2025 کو اپلوڈ کیا تھا۔ ویڈیو میں ممتا بنرجی کی مکمل تقریر (Speech) سنی جا سکتی ہے۔

Source: YouTube

اپنی تقریر(Speech) میں ممتا بنرجی فرقہ وارانہ ہم آہنگی کی بات کرتی ہیں اور دائیں بازو کی سیاسی جماعتوں اور تنظیموں پر تنقید کرتی ہیں۔ اس ویڈیو کے 06:38 سے 07:40 منٹ کے وقت میں ممتا بنرجی کو یہ کہتے ہوئے سنا جا سکتا ہے:

"آرمی میں جو لوگ کام کرتے ہیں وہ ایک ہی شناخت رکھتے ہیں، چاہے وہ ہندو ہوں، مسلم ہوں، سکھ ہوں یا عیسائی ہوں۔ دیکھو رام کرشن نے کیا کہا، دیکھو سوامی وویکانند نے کیا کہا۔ ہم رام کرشن کے مذہب کو مانتے ہیں، ہم سوامی وویکانند کے مذہب کو مانتے ہیں، لیکن جو ایک ’جملہ پارٹی‘ نے جان بوجھ کر ایک گندہ مذہب بنایا ہے، ہم اس مذہب کو نہیں مانتے۔ وہ تو ہندو مذہب کے خلاف ہے۔ اور ہندو مذہب آپ کے خلاف نہیں ہے، عیسائی مذہب آپ کے خلاف نہیں ہے۔ کچھ سیاسی لیڈر ہیں جو اس میں سوداگری کرتے ہیں۔ ان کی سوداگری کی دکان ہم بند کر دیں گے۔”

نتیجہ

DFRAC کے فیکٹ چیک سے واضح ہوتا ہے کہ وائرل ویڈیو کے ساتھ کیا گیا دعویٰ گمراہ کن ہے، کیونکہ ممتا بنرجی نے ہندو مذہب کو گندہ نہیں کہا، بلکہ انہوں نے کہا کہ "جملہ پارٹی نے جو گندہ مذہب بنایا ہے، ہم اس مذہب کو نہیں مانتے۔”