فیکٹ چیک: کیا امروہہ میں سنیوں نے شیعوں پر پتھراؤ کیا؟ جانیے وائرل دعوے کی سچائی

سوشل میڈیا پر اتر پردیش کے امروہہ کے بارے میں ایک دعویٰ وائرل ہو رہا ہے۔ جس میں دعویٰ کیا جا رہا ہے کہ سنی-شیعہ جھگڑے میں سنیوں نے شیعوں پر پتھر برسائے۔ جبکہ شیعوں نے بھی جواب میں تمانچوں سے حملہ کیا۔

ایک یوزر جگنیش نے ایکس پر لکھا: "بریکنگ نیوز: امروہہ میں سنی پتھر بازوں نے شیعوں پر پتھر برسائے… شیعوں نے تمانچوں سے جوابی حملہ کیا… نماز کے بعد 5 روزہ داروں پر ایف آئی آر درج”

Source: X

وہیں دیگر یوزرس نے بھی اسی طرح کے ملتے جلتے دعوے کے ساتھ اس ویڈیو کو شیئر کیا ہے۔ جسے یہاں کلک کرکے دیکھا جا سکتا ہے۔

فیکٹ چیک

وائرل دعوے کی جانچ کے لیے ڈی ایف آر اے سی نے گوگل پر واقعے سے متعلقہ کی ورد سرچ کی۔ اس دوران ہمیں ہندوستان کی ایک رپورٹ ملی جس میں واقعے کے بارے میں بتایا گیا کہ "معلومات کے مطابق علاقے کے گاؤں شہوازپور ڈور کے رہائشی ٹرک ڈرائیور مکرم اور طالب کے درمیان جمعرات کو گڑھ مکتیشور میں کسی بات پر تکرار ہوئی تھی۔ پولیس کے مطابق دونوں کے درمیان ٹرک آگے نکالنے کو لے کر جھگڑا ہوا تھا۔

وہاں موجود لوگوں نے دونوں کو سمجھا بجھا کر صلح کرا دی تھی۔ جمعہ کی صبح طالب، محمد فجر اور جانی ٹرک لے کر گڑھ مکتیشور جا رہے تھے۔ الزام ہے کہ دوسرے فریق کے مکرم نے ان پر ٹرک چڑھانے کی کوشش کی۔ اس کے ساتھی نے شانو پر راڈ سے حملہ کر دیا۔ وہ شدید زخمی ہو گئے۔ دوسری طرف، مکرم کے بھائی مہراج کا الزام ہے کہ دوسرے فریق کے لوگوں نے ان پر پتھراؤ کر دیا۔ جس کے بعد جھگڑا بڑھ گیا۔ دونوں فریقوں کے سینکڑوں لوگ آمنے سامنے آ گئے۔ دیکھتے ہی دیکھتے لاٹھی ڈنڈے چل پڑے۔ تیز دھار ہتھیاروں سے بھی حملہ کیا گیا۔ واقعے سے بھگدڑ مچ گئی۔ بھیڑ میں شامل کسی شخص نے پورے واقعے کی ویڈیو بنا کر سوشل میڈیا پر وائرل کر دی۔ واقعے میں ایک فریق سے افلاطون، ان کا بیٹا اعظم، ان کے دو بھائی قادر علی، عارف، چچا زاد بھائی شانو اور جانی زخمی ہو گئے جبکہ دوسرے فریق سے مہراج ان کے بھائی مکرم اور مہتاب، بھتیجا شاہویز اور جاوید زخمی ہو گئے۔ اعظم اور جاوید طالب علم ہیں۔”

Source: Hindustan

اس کے علاوہ ہمیں امروہہ پولیس کا بھی ایک پوسٹ ملا جس میں پولیس نے بتایا: "دونوں فریق سنی ہیں، ایک ہی گاؤں کے ہیں۔ دونوں فریقوں کے درمیان ٹرک نکالنے کو لے کر جھگڑا ہوا تھا۔ مذکورہ واقعہ صبح تقریباً 9 بجے کا ہے۔ مقدمہ درج کر کے 5 ملزمان کو گرفتار کر کے قانونی کارروائی کی گئی ہے۔”

Source: X

نتیجہ

لہٰذا ڈی ایف آر اے سی کے فیکٹ چیک سے یہ واضح ہے کہ وائرل دعویٰ گمراہ کن ہے۔ کیونکہ شیعہ-سنی تنازعہ نہیں بلکہ ٹرک ڈرائیوروں کے درمیان آپسی جھگڑا تھا۔ جبکہ دونوں ہی فریق سنی برادری سے تعلق رکھتے ہیں۔

تجزیہ: گمراہ کن