پریاگ راج میں مہاکمبھ کا انعقاد چل رہا ہے جو 26 فروری تک جاری رہے گا۔ اب سوشل میڈیا پر ایک ویڈیو وائرل ہے جس میں دیکھا جا سکتا ہے کہ ایک تنگ گلی سے لوگوں کی بھاری بھیڑ گزر رہی ہے۔ یوزرس اس ویڈیو کو پریاگ راج، مہاکمبھ کا بتا رہے ہیں۔
سبھاش کمار شرما ” نامی یوزر نے ویڈیو شیئر کر لکھا، انتظامات سنہرے کمبھ کی۔
اس کے علاوہ، دیگر یوزرس نے بھی یہ ویڈیو شیئر کر ایسا ہی دعویٰ کیا ہے، جسے یہاں اور یہاں کلک کرکے دیکھا جا سکتا ہے۔
فیکٹ چیک
ڈی فریک ٹیم نے تحقیقات کے لیے ویڈیو کے کی فریمس کو ریورس امیج سرچ کیا۔ ہمیں یہ ویڈیو "وویک برجواسی ” نامی یوٹیوب چینل پر 1 جنوری 2025 کو اپلوڈ ملا، جس میں اسے برسانہ، متھرا کا بتایا گیا ہے۔
اس کے علاوہ، یہ ویڈیو ہمیں "رادھا رانی برسانہ – شیام سندر گوسوامی جی” نامی ویریفائیڈ فیس بک پیج پر بھی 1 جنوری 2025 کو اپلوڈ ملا۔ شیام سندر گوسوامی برسانہ کے شری لاڑیلی لال جو برسانہ دھام میں خادم ہیں۔ انہوں نے اس ویڈیو کے بارے میں لکھا ہے، "یہ دیکھیے، بھیڑ میں پھنسے ہوئے لوگ برسانہ میں”۔
نتیجہ
ڈی فریک کے فیکٹ چیک سے واضح ہے کہ وائرل ویڈیو مہاکمبھ کا نہیں بلکہ نئے سال کے موقع پر برسانہ پہنچے عقیدتمندوں کی بھیڑ کا ہے۔ اس لیے، یوزرس کا دعویٰ گمراہ کن ہے۔
