Digital Forensic, Research and Analytics Center

اتوار, فروری 5, 2023
spot_imgspot_imgspot_imgspot_img

Popular Posts

Latest

فیکٹ چیک: نیرو مودی کے پیروڈی اکاؤنٹ کے ٹویٹ کے بعد پاکستانی کرکٹر بابر اعظم سے متعلق میڈیا نے چلائی فیک نیوز

پرنٹ میڈیا سے لے کر الیکٹرانک میڈیا تک پاکستانی کرکٹر بابر اعظم کے بارے میں ایک بڑی خبر چل رہی ہے، جس میں دعویٰ کیا جا رہا ہے کہ بابر اعظم نے ایک ساتھی کھلاڑی کی گرل فرینڈ سے قابل اعتراض چَیٹ کی ہے۔

Source: Punjab Kesari 

اس خبر کو پبلش کرتے ہوئے پنجاب کیسری نے لکھا کہ اس ویڈیو کو وائرل کرنے میں سب سے بڑا ہاتھ جو لگ رہا ہ، وہ معروف صنعتکار نیرو مودی کا ہے۔ انہوں نے اپنے ٹویٹر کے ذریعے پوسٹ شیئر کیا ہے اور بتایا ہے کہ اس ویڈیو چَیٹ کے دوران بابر نے کیا بات کہی ہے۔ در اصل اس ویڈیو کے وائرل ہونے سے بابر پر الزامات لگے ہیں کہ وہ کسی کرکٹر کی گرل فرینڈ سے قابل اعتراض چَیٹ کر رہے ہیں۔ 

Source: Twitter

نیوز ایجنسی آئی اے این ایس ہندی نے بھی اس خبر کو چلایا اور اپنے ٹویٹ میں لکھا،’ پاکستان کے کپتان، خراب فارم کے ساتھ ایک تنازعہ میں پڑ گئے ہیں، کیونکہ ان کے مبینہ نجی ویڈیو اور فوٹو سوشل میڈیا پر وائرل ہو گئے ہیں۔ 

اس کے علاوہ کئی بڑے میڈیا ہاؤسز نے اس خبر کو کور کیا، جن میں ڈی این اے، این ڈی ٹی وی وغیرہ شامل ہیں۔

فیکٹ چیک:

وائرل دعوے کی جانچ-پڑتال میں ٹیم نے پایا کہ تمام میڈیا ہاؤسز نے اپنی رپورٹ کی بنیاد نیرو مودی کے ایک ٹویٹ کو بنایا ہے، جس میں انہوں نے لکھاکہ بابر اعظم کسی دیگر پاکستانی کرکٹر کی گرل فرینڈ کے ساتھ قابل اعتراض ’چَیٹ‘ کر رہے تھے۔ ساتھ ہی انہوں نے اس سے وعدہ کیا کہ وہ ایسا کرتی رہیں گی تو ان کے بوائے فرینڈ، ٹیم سے باہر نہیں ہوں گے۔ مجھے امید ہے کہ یہ سب اللہ دیکھ رہا ہے۔ 

مزید سرچ کرنے  پر ہمیں معلوم ہوا کہ نیرو مودی کا یہ اکاؤنٹ ایک پیروڈی اکاؤنٹ ہے جو لاہور، پاکستان سے آپریٹ ہوتا ہے۔ ساتھ ہی اس نے ٹویٹ کرکے بتایا کہ اس نے اپنا ٹویٹ ڈیلیٹ کر دیا ہے۔ یہ اسٹوری بے بنیاد ہے۔

Source: Twitter

علاوہ ازیں ایک دیگر ٹویٹ میں لکھا کہ بھائی میں نے اپنا ٹویٹ تو ڈیلیٹ کر دیا ہے۔ Fox News, aajtak, ndtv, HT times, Abp, News 18 اور لوکل نیوز پیپر وغیرہ تم لوگ اپنا اپنا دیکھ لو۔ 

Source: DNA

اس ٹویٹ کے سامنے آنے کے بعد کئی میڈیا ہاؤسز نے وائرل ٹویٹ کے حوالے سے کی گئی اپنی اس خبر کو واپس لے لیا ہے اور انہوں نے بتایا ہے کہ یہ فیک نیوز ہے۔ 

نتیجہ:

زیرِ نظر DFRAC کے فیکٹ چیک سے واضح ہے کہ ساتھی کی گرل فرینڈ کے ساتھ بابر اعظم کے قابل اعتراض چَیٹ کی خبر فیک ہے،کیونکہ نیرو مودی کے نام پر ایک پیروڈی اکاؤنٹ نے یہ فیک نیوز پھیلائی تھی۔