کیا انوشکا شرما نے رنبیر کپور کے ڈرگس لینے کے بارے میں کوئی انکشاف کیا؟ پڑھیں، فیکٹ چیک

ٹویٹر پر بالی ووڈ کے بائیکاٹ کے کئی ٹرینڈ چل رہے ہیں، جن میں عوام سے بالی ووڈ کی فلمیں نہ دیکھنے کی اپیل کی جارہی ہے۔ #BoycottBollywood اور #BoycottBrahmastra جیسے ہیش ٹیگ نے بالی ووڈ پر ہندو جذبات کو ٹھیس پہنچانے کا الزام عائد کیا ہے۔

اس درمیان بالی ووڈ کی مشہور سیلیبریٹی انوشکا شرما اور رنبیر کپور کی ایک وائرل ویڈیو نے سوشل میڈیا یوزرس کی خوب توجہ بٹوری ہے۔ ویڈیو میں دعویٰ کیا گیا کہ انوشکا شرما نے کھلے عام اعتراف کیا ہے کہ رنبیر کپور اپنی کارکردگی کو بہتر بنانے کے لیے ڈرگس کا استعمال کرتے ہیں۔

ایک یوزر نے ٹویٹ میں لکھا،’انوشکا شرما نے انکشاف کیا کہ ڈرگِسٹ #RanbirKapoor سیٹ پر ڈرگس(COCAINE) لیتے ہیں تاکہ شوٹنگ سے پہلے زیادہ پرجوش ہو سکیں۔ #Brahmastra کو دیکھنا #KaranJohar کے لیےممبئی میں ڈرگی کارٹیل کو فنڈنگ کرنا ہے۔ #BoycottBahmastra #BoycottBollywood‘۔

کئی دیگر یوزرس نے اس ویڈیو کو مختلف عنوانات(کیپشن) کے تحت شیئر کیاہے۔

فیکٹ چیک:

DFRAC ڈیسک نے وائرل ویڈیو کی حقیقت جاننے کے لیے مخصوص کی-ورڈ کا استعمال کرتے ہوئے پورا انٹرویو سرچ کیا۔ دریں اثنا، انٹرویو کا مکمل ویڈیو Headline Today کے آفیشل یوٹیوب چینل پر Couching With Koel: Anushka Sharma & Ranbir Kapoor کیپشن کے کے ساتھ ملا۔

اس انٹرویو میں اداکارہ انوشکا شرما اور رنبیر کپور نے اپنی شہرت، پرائیویسی سمیت کئی مسائل پر کھل کر بات کی ہے۔ 

اس ویڈیو میں رنبیر نے مذاق میں انوشکا کو چِنتا کی رانی‘ (تشویش کی ملکہ) کا خطاب دیا ہے۔ ساتھ ہی یہ بھی کہا کہ وہ تشویش کی دوالیے بغیر، بات چیت میں شامل نہیں ہو سکتیں۔ جب بعد میں، رنبیر نے انوشکا سے اپنے بارے میں پوچھا تو انہوں نے طنزیہ جواب دیا۔ رنبیر، مجھے لگتا ہے کہ وہ ڈرگس لیتا ہے، اس لیے وہ بہت مثبت ہو سکتا ہے کیونکہ وہ اتنا مبہم شخص ہے‘۔ 

واضح ہو کہ یہ ویڈیو سنہ 2015 کا ہے، جب بامبے ویلویٹ ریلیز ہونے والی تھی۔

نتیجہ:

رنبیر کے ڈرگس لینے کے بارے میں انوشکا کا بیان خالص طنز تھا۔

دعویٰ: انوشکا شرما نے انکشاف کیا کہ رنبیر کپور ڈرگس لے رہے ہیں۔

دعویٰ کنندگان: سوشل میڈیا یوزرس

فیکٹ چیک: گمراہ کن