بہوجن سماج پارٹی (بی ایس پی) کے بانی کانشی رام کا ایک ویڈیو، سوشل میڈیا پر وائرل ہو رہا ہے۔ اس ویڈیو کو شیئر کرنے والے یوزرس کا دعویٰ ہے کہ کانشی رام نے اپنے آخری دنوں میں ایک انٹرویو کے دوران کہا تھا کہ مایاوتی کو وزیراعلیٰ بنانا، ان کا غلط فیصلہ تھا۔
اس ویڈیو کو شیئر کرتے ہوئے نِشو آزاد نامی یوزر نے لکھا،’کانشی رام جی کے آخری دنوں کا انٹرویو، کہا کہ مایاوتی کو CM بنانا غلط فیصلہ تھا‘۔
علاوہ ازیں اس ویڈیو کو انل کمار ایس پی اور نریش پونیا بھیم آرمی سمیت کئی دیگر یوزرس نے بھی شیئر کیا ہے۔
فیکٹ چیک
DFRAC ٹیم نے وائرل دعوے سے متعلق اپنی پڑتال میں پایا کہ کانشی رام کے بیان کے ساتھ ’UP Tak‘ کے یوٹیوب چینل پر 12 جنوری 2019 کو ویڈیو اپلوڈ کیا گیا ہے، جس کا عنوان ہے،’Guest House واقعہ: ایک ایسی شام جس نے 21 سال کی مایاوتی کو بدل کر دکھ دیا ہے!‘
’UP Tak‘ کے اس ویڈیو میں 1995 کے گیسٹ ہاؤس واقعہ کے بارے میں بتایا ہے۔ ویڈیو میں آگے گیسٹ ہاؤس واقعہ کے بعد سماجوادی پارٹی کی حکومت گرنے اور بہوجن سماج پارٹی (بی ایس پی) کی حکومت بننے کے بارے میں بتایا گیا ہے۔ اسی سلسلے میں مایاوتی اور کانشی رام کی بائٹ دکھائی گئی ہے۔ مایاوتی اور کانشی رام کا بیان سابق وزیراعلیٰ ملائم سنگھ یادو سے متعلق ہے۔
نتیجہ:
زیر نظر DFRAC کے فیکٹ چیک سے واضح ہے کہ کانشی رام نے مایاوتی کو سی ایم بنانے کو غلط فیصلہ نہیں کہا تھا، بلکہ ان کا بیان ملائم سنگھ یادو کے تناظر میں تھا۔ اس لیے سوشل میڈیا یوزرس کا دعویٰ گمراہ کُن ہے۔
