اتراکھنڈ کے سابق وزیر اعلیٰ اور کانگریس لیڈر ہریش راوت کا ایک ویڈیو سوشل میڈیا پر وائرل ہے، جس میں دیکھا جا سکتا ہے کہ ہریش راوت سر پر ٹوپی رکھ کر دعا مانگ رہے ہیں۔ یوزرس ہریش راوت کی اس ویڈیو کو شیئر کر دعویٰ کر رہے ہیں کہ ہریش راوت نے اسلام قبول کر لیا ہے۔
فیکٹ چیک
ڈی فریک ٹیم نے وائرل ویڈیو کی پڑتال کے لیے متعلقہ کی ورڈ سرچ کیے۔ ہمیں ای ٹی وی بھارت کی 28 نومبر 2021 کو شائع ایک رپورٹ ملی۔ اس رپورٹ میں بتایا گیا ہے کہ سابق وزیر اعلیٰ ہریش راوت صابر پاک دربار پیران کلیر پہنچے۔ انہوں نے درگاہ صابر پاک پر چادر اور پھول چڑھائے اور آئندہ 2022 کے اسمبلی انتخابات میں کانگریس پارٹی کی بھاری اکثریت سے کامیابی اور ریاست کی خوشحالی کے لیے دعا کی۔
اس کے علاوہ، ہمیں 28 نومبر 2021 کو نیوز 18 اتراکھنڈ کے فیس بک پیج پر پوسٹ کردہ صابر پاک دربار میں کانگریس لیڈر ہریش راوت کی چادر پوشی کرتے ہوئے ایک ویڈیو بھی ملا۔ ویڈیو کے بارے میں لکھا گیا ہے، ’’سابق وزیر اعلیٰ ہریش راوت نے پیران کلیر میں صابر پاک کی درگاہ پر چادر چڑھا کر امن کی دعا کی۔ اس دوران انہوں نے کہا کہ کانگریس بھاری اکثریت سے اسمبلی انتخابات جیتے گی۔
نتیجہ
ڈی فریک کے فیکٹ چیک سے واضح ہے کہ کانگریس لیڈر ہریش راوت نے اسلام قبول نہیں کیا ہے۔ وائرل ویڈیو نومبر 2021 کا ہے، جب صابر پاک دربار پیران کلیر میں ہریش راوت چادرپوشی کرنے پہنچے تھے۔ لہذا یوزرس کا دعویٰ گمراہ کن ہے۔
