پاکستانی سوشل میڈیا اکاؤنٹس پر ایک تصویر بڑے پیمانے پر شیئر کی جا رہی ہے جس میں ایک تباہ شدہ اور جلی ہوئی دفاعی نظام کو دکھایا گیا ہے۔ ان اکاؤنٹس کا دعویٰ ہے کہ یہ تصویر بھارتی S-400 ایئر ڈیفنس سسٹم کی ہے جسے پاکستانی فورسز نے تباہ کیا ہے۔
ایک X یوزر ، عمران (@REALIMRANGUJJAR)، نے تصویر کے ساتھ کیپشن میں لکھا: "S-400 ریڈار ہٹ، انڈیئنز رو رہے ہیں”
ایک اور یوزر نے بھی یہی تصویر اور دعویٰ شیئر کیا ہے۔
فیکٹ چیک
DFRAC ٹیم نے وائرل تصویر کو گوگل پر ریورس امیج سرچ کیا تو پایا کہ یہ دعویٰ گمراہ کن ہے۔ تحقیقات سے پتا چلا کہ متعدد یوکرینی میڈیا آؤٹ لیٹس اور سوشل میڈیا پوسٹس نے پہلے ہی یہ تصویر شیئر کر چکے ہیں۔
ایک دفاعی بلاگ ویب سائٹ نے یہ تصویر 24 مئی 2024 کو شائع کی تھی، جس میں کیپشن دیا گیا: "یوکرین نے ATACMS میزائلوں سے روسی S-400 نظام کو نشانہ بنایا” رپورٹ میں بتایا گیا کہ 22 مئی کو دوپہر 12:50 بجے کے قریب، یوکرینی فورسز نے روسی S-400 "Triumf” ایئر ڈیفنس سسٹم پر ایک بیلسٹک میزائل حملہ کیا، جو Klenivka گاؤں کے قریب واقع تھا، جو فرنٹ لائن سے تقریباً 65 کلومیٹر کے فاصلے پر ہے۔
یہی تصویر یوٹیوب چینل "WARTHOG DEFENSE” کی ایک ویڈیو میں بھی دیکھی جا سکتی ہے، جو 24 مئی 2024 کو اپلوڈ کی گئی تھی۔ ویڈیو کے 0:32 سیکنڈ کے مقام پر یہی منظر نظر آتا ہے۔
اسی طرح، ایک اور ویب سائٹ scoopit پر بھی یہی تصویر موجود ہے، جہاں بتایا گیا کہ 22 مئی کو دوپہر 12:50 بجے کے قریب، یوکرینی فورسز نے روسی S-400 "Triumf” سسٹم کو ATACMS بیلسٹک میزائلوں کے ذریعے نشانہ بنایا، جس میں کلسٹر وار ہیڈز استعمال کیے گئے۔ یہ حملہ عارضی طور پر مقبوضہ علاقے میں موجود دشمن کے ایئر ڈیفنس پر کیا گیا۔
نتیجہ
لہٰذہ, DFRAC کے فیکٹ چیک سے واضح ہے کہ پاکستانی اکاؤنٹس کی جانب سے شیئر کی گئی تصویر دراصل یوکرین کی جانب سے روسی S-400 نظام پر کیے گئے حملے کے بعد کی ہے، نہ کہ کسی بھارتی S-400 سسٹم کی جسے پاکستان نے مبینہ طور پر تباہ کیا ہو۔
