فیکٹ چیک: راج ببر کی راجیہ سبھا بھاشن کا پرانا ویڈیو غلط دعووں کے ساتھ وائرل

بالی ووڈ اداکار اور کانگریس لیڈر راج ببر کا ایک ویڈیو سوشل میڈیا پر تیزی سے وائرل ہو رہا ہے۔ اس ویڈیو کو لوک سبھا کا بتا کر شیئر کیا جا رہا ہے۔ دعویٰ کیا جا رہا ہے کہ راج ببر نے لوک سبھا میں وزیر اعظم نریندر مودی اور وزیر داخلہ امیت شاہ کے سامنے تقسیم کرنے والی سیاست کی پول کھول کر رکھ دی۔

سوشل میڈیا پلیٹ فارم ایکس پر وریفائیڈ یوزر اسد آر چوہدری نے اردو میں لکھا: بھارتی اداکار اور رکن پارلیمنٹ "راج ببر” نے۔ بھارتی وزیراعظم مودی اور وزیرداخلہ امیت شاہ کی نفرت تقسیم کی سیاست کو جب "لوک سبھا”(قومی اسمبلی) میں ان دونوں کے منہ پر ننگا کیا تو سپیکرکی جانبداری دیکھ کر ایسے لگا جیسے”اسد قیصر”کرسی پر بیٹھا ہوا ہے۔سب کی حالت دیکھئیے۔ (اسد آر چوہدری)

Source: X

فیکٹ چیک

وائرل ویڈیو کے دعوے کی جانچ کے دوران ڈی ایف آر اے سی کو یوٹیوب پر اسی قسم کا ایک ویڈیو ملا۔ اس ویڈیو کو پارلیمنٹ ٹی وی نے 3 مارچ 2016 کو اپنے چینل پر شیئر کیا تھا۔ ویڈیو کے کیپشن میں لکھا گیا تھا: "مرکزی حکومت کے ایک وزیر اور منتخب نمائندوں کے ذریعہ آئین اور عہدے کی حلف شکنی کرتے ہوئے دیے گئے بھڑکانے والے بھاشن اور اس پر حکومت کی ردعمل کی طرف وزیر داخلہ کا دھیان دلانا۔ راجیہ سبھا بجٹ سیشن 238 | 3 مارچ 2016”

Source: YouTube

مزید تحقیق میں ہمیں 3 مارچ 2016 کی راجیہ سبھا کی تحریری بحث دستیاب ہوئی۔ راج ببر کے بھاشن کو صفحہ نمبر 28 سے صفحہ نمبر 31 تک پڑھی جا سکتی ہے۔

نتیجہ

لہٰذا ڈی ایف آر اے سی کے فیکٹ چیک سے واضح ہے کہ وائرل ویڈیو گمراہ کن ہے، کیونکہ یہ ویڈیو 2016 کا ہے ۔ یہ لوک سبھا کا نہیں بلکہ راجیہ سبھا کا ہے۔