چھبیس جنوری کو یوم جمہوریہ کے موقع پر امرتسر میں ایک شرپسند کے ذریعے بابا صاحب کی مورتی توڑے جانے کی خبر آئی۔ اب ایک ویڈیو سوشل میڈیا پر وائرل ہو رہی ہے، جسے امرتسر کا بتایا جا رہا ہے۔ اس ویڈیو میں دیکھا جا سکتا ہے کہ وکیلوں کے زریعے ایک نوجوان کو پیٹا جا رہا ہے، جبکہ پولیس پٹنے والے نوجوان کو بچانے کی کوشش کر رہی ہے۔ یوزرس یہ ویڈیو شیئر کر دعویٰ کر رہے ہیں کہ امرتسر میں بابا صاحب کی مورتی توڑنے والے منو وادی کی عدالت میں پیشی کے دوران پٹائی کی گئی۔
پروفیسر رام لکھن نامی ایک یوزر نے یہ ویڈیو شیئر کر لکھا، ” 26 جنوری کو امرتسر میں بابا صاحب کی مورتی توڑنے والے منو وادی کی عدالت میں پیشی کے دوران پٹائی، آئین ساز، امرتسر”
اس کے علاوہ دیگر یوزرس نے بھی یہ ویڈیو شیئر کر ایسا ہی دعویٰ کیا ہے، جسے یہاں، یہاں اور یہاں کلک کر کے
دیکھا جا سکتا ہے۔
فیکٹ چیک
ڈی فریک ٹیم نے وائرل دعوے کی جانچ کے لیے متعلقہ کی ورڈس سرچ کیے۔ ہمیں زی نیوز مدھیہ پردیش-چھتیس گڑھ کی 17 جنوری 2025 کو شائع ایک رپورٹ ملی، جس میں بتایا گیا ہے کہ رائے پور کی عدالت میں جمعہ کے دن وکیل کو تھپڑ مارنے والے ملزم کووکیلوں نے پولیس کے سامنے بری طرح پیٹا۔ رپورٹ کے مطابق، ملزم اجے سنگھ نے وکیل دیرگیش شرما کو تھپڑ مار دیا تھا، جس کے بعدوکیلوں نے خمتارائی تھانے میں ملزم کی گرفتاری کے مطالبے پر ہنگامہ کیا۔ پولیس نے ایف آئی آر درج کرکے ملزم کو گرفتار کیا اور عدالت میں پیش کر پولیس جیسے ہی ملزم کوعدالت سے باہر لے کر آئی، وکیل ملزم کو دیکھ کر بھڑک گئے اور وکیلوں نے ملزم کی زبردست پٹائی کی ۔ اس دوران پولیس ملزم کو بچانے کی کوشش کرتی نظر آئی۔
اس کے علاوہ نوبھارت ٹائمس اور بھارتیہ سماچار یوٹیوب چینل پر بھی اس واقعے کے بارے میں بتایا گیا ہے۔
اس کے علاوہ نوبھارت ٹائمس کی 28 جنوری 2025 کی رپورٹ میں بتایا گیا ہے کہ یومِ جمہوریہ کے موقع پر امرتسر میں گولڈن ٹیمپل کے قریب آکاشدیپ سنگھ نامی نوجوان نے ڈاکٹر بھیم راؤ امبیڈکر کے مجسمے کو توڑنے کی کوشش کی۔ 24 سالہ آکاشدیپ پنجاب کے موگا ضلع کے دھرم کوٹ کا رہنے والا ہے۔ وہ گولڈن ٹیمپل کے قریب امبیڈکر کے مجسمے کے پاس سیڑھی لگا کر ہتھوڑے سے اسے نقصان پہنچانے کی کوشش کر رہا تھا۔ اس نے مجسمے کے نیچے رکھی گئی آئین کی شبیہ کو بھی نقصان پہنچانے کی کوشش کی۔ کوتوالی پولیس نے آکاشدیپ کو گرفتار کر کے اس کا بیان درج کیا ہے۔
نتیجہ
ڈی فریک کے فیکٹ چیک سے یہ واضح ہے کہ وائرل ویڈیو امرتسر میں بابا صاحب کے مجسمے کو توڑنے کی کوشش کرنے والے نوجوان کے ساتھ مارپیٹ کا نہیں ہے بلکہ چھتیس گڑھ، رائے پور کی عدالت میں وکیل کے ساتھ بدتمیزی کرنے والے ملزم اجے سنگھ کی پٹائی کا ہے۔ اس لیے یوزرس کا دعویٰ گمراہ کن ہے۔
