سوشل میڈیا پر ایک ویڈیو وائرل ہے۔ اس ویڈیو میں دیکھا جا سکتا ہے کہ ایک کمرے میں کام کرنے والے نوجوان کو ایک شخص نے کئی گولیاں مار کر ہلاک کر دیا۔ سوشل میڈیا یوزرس اس ویڈیو کو اتر پردیش کے مظفر نگر کا بتا رہے ہیں۔
‘سوتنترپترکار’ نامی ایک یوزر نے لکھا، "فلمی انداز میں کیے گئے قتل کا ویڈیو سوشل میڈیا پر وائرل ہو رہا ہے اور اس ویڈیو کو مظفر نگر ضلع کا بتایا جا رہا ہے ۔”
فیکٹ چیک
ڈی فریک ٹیم نے وائرل ویڈیو کی سچّائی جاننے کے لیے مظفر نگر پولیس کے ایکس ہینڈل کو دیکھا۔ مظفر نگر پولیس نے بتایا ہے کہ وائرل ویڈیو مظفر نگر ضلع کا نہیں ہے۔
مظفر نگر پولیس نے بتایا کہ ایک شخص کو گولی مار کر ہلاک کرنے کا ویڈیو سوشل میڈیا پر مظفرنگر کے تھانہ نئی منڈی کا بتاکر وائرل کیا جا رہا ہے- یہ ویڈیو مظفر نگر سے متعلق نہیں ہے۔ پولیس نے یہ بھی کہا کہ گمراہ کن ویڈیو شیئر کرنے والے شخص کے خلاف نئی منڈی پولیس اسٹیشن میں مقدمہ درج کرکے قانونی کارروائی کی جارہی ہے۔
نتیجہ
ڈی فریک کے فیکٹ چیک سے صاف ہے کہ سوشل میڈیا یوزرس کا دعویٰ گمراہ کن ہے اور وائرل ویڈیو مظفرنگر کا نہیں ہے
