کانگریس کے رہنما راہل گاندھی کا ایک ویڈیو سوشل میڈیا پر وائرل ہو رہا ہے۔ اس ویڈیو میں دیکھا جا سکتا ہے کہ کچھ لوگ راہل گاندھی کے ساتھ سیلفی اور تصویریں لے رہے ہیں۔ اسی دوران راہل گاندھی نے سیلفی لینے والے نوجوان کا فون نیچے رکھ دیا۔ سوشل میڈیا یوزرس اس ویڈیو کو شیئر کرتے ہوئے دعویٰ کر رہے ہیں کہ راہل گاندھی نے شراب نوشی کی ہے اور کارکنان کو تھپڑ مار دیا ہے۔
اس ویڈیو کو شیئر کرتے ہوئے منجندر سنگھ سرسہ نامی ایک ویریفائیڈ یوزر نے لکھا-’کیا راہل گاندھی کسی چیز کے دیوانے ہیں؟ اس ویڈیو میں وہ کافی نشے میں نظر آ رہے ہیں۔ (اردو ترجمہ)
وہیں اس ویڈیو کو ایک یوٹیوب چینل پر اپ لوڈ کرکے کیپشن دیا گیا ہے-’بھرے اسٹیج پر راہل گاندھی کانگریسیوں کو مار ہی دیا تھپڑ rahul gandhi sharab‘۔
وہیں اس ویڈیو کو کئی دیگر یوزرس کی جانب سے بھی شیئر کیا جا رہا ہے۔
فیکٹ چیک:
وائرل ویڈیو کا فیکٹ چیک کرنے کے لیے DFRAC کی ٹیم نے سب سے پہلے ویڈیو کو غور سے دیکھا۔ ہم نے پایا کہ بیک گراؤنڈ میں نظر آ رہے پوسٹر میں کانگریس کے کئی رہنما کماری شیلجا، دیپیندر سنگھ ہڈا، کیپٹن اجے یادو، راؤ دان سنگھ اور دہلی کے کانگریس کے ریاستی صدر انل چودھری کی تصویروں کو دیکھا جا سکتا ہے۔
بعد ازاں ہم نے ویڈیو کے تناظر میں جائزہ لیا۔ ہمیں راہل گاندھی اور مختلف کانگریس کے رہنماؤں کے فیس بک پیج پر کیا گیا لائیو اسٹریمنگ کا ویڈیو ملا۔ یہاں دیکھا جا سکتا ہے کہ لائیو اسٹریمنگ کے بیک گراؤنڈ میں نظر آنے والا پوسٹر اور وائرل ویڈیو کے بیک گراؤنڈ میں نظر آ رہا پوسٹر یکساں ہے۔ راہل گاندھی نے اس لائیو اسٹریمنگ کو سرخی،’LIVE: Bharat Jodo Yatra | Patan Udaipuri to Bhadas | Nuh | Haryana‘ دیا گیا ہے۔
یہاں ہم وائرل ویڈیو اور راہل گاندھی کے پوسٹ کردہ ویڈیو کا کولاج دے رہے ہیں، جس سے واضح ہو رہا ہے کہ دونوں ویڈیو کے بیک گراؤنڈ کا پوسٹر ایک ہی پروگرام کا ہے۔
زیر نظر ویڈیو کو00:01 سے 30:00 تک کے دورانیے کو دیکھنے پر کئی پروگرام نظر آئے، جس میں راہل گاندھی کا اسٹیج پر پہنچنے پر استقبال، راہل گاندھی کی تقریر اور پروگرام کے آخر میں راہل گاندھی کے ساتھ تمام رہنماؤں کا فوٹو کھینچوانا شامل ہے۔ اس ویڈیو کو دیپیندر ہڈا کے پیج پر بھی دیکھا جا سکتا ہے۔
دیپیندر ہڈا کی جانب سے ہریانہ میں راہل گاندھی کے استقبال کے تناظر میں پوسٹ کیے گئے ایک دیگر ویڈیو کو یہاں دیکھا جا سکتا ہے۔
نتیجہ:
وائرل ویڈیو کے اس فیکٹ چیک سے واضح ہے کہ راہل گاندھی نے شراب نہیں پی تھی۔ سوشل میڈیا یوزرس راہل گاندھی کے ویڈیو کو گمراہ کن دعوے کے ساتھ شیئر کر رہے ہیں۔ ہماری ٹیم فی الحال ویڈیو کے اصل سورس (ماخذ) کی ہنوز جانچ کر رہی ہے۔ تحقیقات کے بعد خبر، اپ ڈیٹ کر دی جائے گی۔
