اگلے ماہ سے قطر میں شروع ہونے والے فیفا ورلڈ کپ 2022 سے متعلق ایک پوسٹر سوشل میڈیا پر جم کر وائرل ہو رہا ہے۔ اس پوسٹر میں حکومتِ قطر کی جانب سے عائد کی گئی مبینہ پابندیوں کا ذکر کیا گیا ہے۔
پوسٹر پر انگلش اور عربی میں کہا گیا ہے کہ قطر آپ کو خوش آمدید کہتا ہے، اس کے بعد ہے کہ ان رویوں سے بچ کر قطری عوام کے مذہب اور ثقافت کے تئیں اپنا احترام ظاہر کریں، جن میں شراب نوشی، ہم جنس پرستی، بداخلاقی، عبادت گاہوں کا احترام نہ کرنا، اونچی آواز میں موسیقی اور آواز، گالی-گلوج، ڈیٹنگ کرنا اور لوگوں کی اجازت کے بغیر تصاویر لینا شامل ہیں۔
یہ پوسٹر بڑے پیمانے پر #Reflect_Your_Respectکے تحت شیئر کیا گیا ہے۔
فیکٹ چیک:
وائرل پوسٹر کے ساتھ کیے گئے دعوے کا فیکٹ چیک کرنے کے لیے DFRAC ٹیم نے سب سے پہلے قطر فیفا ورلڈ کپ 2022 کے آفیشل ٹویٹر اکاؤنٹ پر پوسٹر کو ڈھونڈا۔ لیکن وہاں ایسا کوئی پوسٹر نہیں ملا۔ اس کے برعکس، ایک ٹویٹ میں وائرل پوسٹر کی تردید کی گئی ہے۔
ٹویٹ میں کہا گیا،’وائرل پوسٹر آفیشل نہیں تھا اور اس میں حقائق کے برعکس غلط معلومات ہیں۔ اس میں مزید کہا گیا ہے کہ جلد ہی ایک جامع فین گائیڈ بھی جاری کیا جائے گا۔
علاوہ ازیں ہمیں مڈل ایسٹ آئی کی جانب سے بھی پبلش ایک رپورٹ ملی۔ قطر ورلڈ کپ 2022 شائقین کو دن میں 19 گھنٹے تک شراب پینے کی اجازت دے گا، لیکن صرف اس مقام پر جو ایک ماہ تک چلنے والے میوزک فیسٹیول کی میزبانی کرے گا۔ یہ اجازت روزانہ صبح 10 بجے سے صبح 5 بجے تک ہوگی۔
نتیجہ:
ہمارے فیکٹ چیک سے واضح ہے کہ وائرل پوسٹر فیک ہے۔
