Digital Forensic, Research and Analytics Center

بدھ, نومبر 30, 2022
spot_imgspot_imgspot_imgspot_img

Popular Posts

Latest

فیکٹ چیک: کیا کشمیر میں تین لاکھ کشمیری ہندوؤں کا قتل عام؟ اشوک پنڈت نے کیا فیک دعویٰ

گوا میں جاری انٹرنیشنل فلم فیسٹیول آف انڈیا (IFFI)...

فیکٹ چیک: ڈونلڈ ٹرمپ کے پوسٹ کا فیک اسکرین شاٹ وائرل

ڈونلڈ ٹرمپ کے پوسٹ کا ایک اسکرین شاٹ سوشل...

آن لائن اسکین الرٹ: قطر نہیں دے رہا 50GB فری ڈیٹا- پڑھیں فیکٹ چیک

سوشل میڈیا پر ایک پوسٹ شیئر کرکے دعویٰ کیا...

فیکٹ چیک: ’36 ٹکڑےکرنے‘ کا بیان دینے والا راشد خان نہیں، وکاس کمار ہے

شردھا واکر کو اس کے پارٹنر آفتاب پونہ والا...

راہل گاندھی کی بھارت جوڑو یاترا کے دوران پاکستان کا جھنڈا لہرایا گیا؟ پرھیں، فیکٹ چیک 

سوشل میڈیا پر ایک ویڈیو تیزی سے وائرل ہو رہا ہے۔ اس ویڈیو میں دیکھا جا سکتا ہے کہ سبز جھنڈا اٹھائے لوگوں کا ایک ہجوم چل رہا ہے، سب سے آگے ایک چھوٹا بچہ سبز جھنڈا لہرا رہا ہے۔ اس کے پوسٹر پر لکھا ہے،’خوش آمدید راہل گاندھی‘۔ سوشل میڈیا یوزرس اس ویڈیو کو کانگریس کے سابق صدر راہل گاندھی کی بھارت جوڑو یاترا کا بتا رہے ہیں۔ ساتھ ہی بہت سے یوزرس اس جھنڈے کو پاکستانی بھی کہہ رہے ہیں تو بہت سے ایسے بھی ہیں جو اسے اسلامی جھنڈا گردان رہے ہیں۔ 

اس ویڈیو کو شیئر کرتے ہوئے سدرشن نیوز کے چیف ایڈیٹر سریش چوہانکے نے لکھا،’یہ #بھارت_جوڈو_یاترا کون سے اسلامی ملک میں پہنچی ہے؟@RahulGandhi@digvijaya_28‘۔

ابھے پرتاپ سنگھ نامی ایک ویریفائیڈ یوزر نے لکھا،’مسلم لیگ کے ساتھ راہل گاندھی بھارت جوڑیں گے؟ وہ مسلم لیگ… جس کی بنیاد ہی سبھی کو مسلم بنانا ہے…؟‘

وہیں بھیم (مودی بھکت) نام کے یوزر نے ہرے جھنڈے کو پاکستان کا جھنڈا بتا تے ہوئے لکھا،’راہل گاندھی کا پرتپاک خیر مقدم، کیرالا میں مسلم لیگ کی جانب سے۔ یہ راہل گاندھی کی کیسی بھارت جوڑو یاترا ہے جہاں پاکستان کا جھنڈا لہرا رہا ہے۔ یہ کوئی اچھی بات نہیں ہے، یہ بھارت چھوڑو تحریک نہیں ہو سکتی۔ کم از کم اپنا ترنگا جھنڈا لے کر چول کانگریسی نے ہمیشہ ملک کو بانٹنے کا کام کیا ہے‘۔ 

فیکٹ چیک:

وائرل ویڈیو کا فیکٹ چیک ہم نے تین سطح پر کیا۔ پہلا– ویڈیو کا لوکیشن کیا ہے؟ دوسرا– کیا ویڈیو میں پاکستان کا جھنڈا نظر آ رہا ہے؟ اور تیسرا– کیا یہ بھارت جوڑو یاترا کا ویڈیو ہے؟

پہلا- اس پوسٹر کو قریب سے دیکھنے سے معلوم ہوا کہ اس کا تعلق انڈین یونین مسلم لیگ پارٹی سے ہے، جس کا تعلق کیرالہ سے ہے۔ پوسٹر میں بتایا گیا ہے کہ یہ ریلی ضلع پلکن کے پٹابی منڈلم میں نکالی گئی تھی۔

ٹویٹ اسکرین شاٹ

دوسرا– DFRAC نے یہ جاننے کی کوشش کی کہ کیا ریلی میں جو پرچم لہرایا جا رہا ہے وہ پاکستان کا ہے؟ ہم نے اس جھنڈے کو ریورس سرچ کیا۔ DFRAC نے پایا کہ یہ جھنڈا ایک سیاسی پارٹی انڈین یونین مسلم لیگ کا جھنڈا ہے۔ اس کے بعد DFRAC نے پاکستان کا قومی پرچم دیکھا۔ DFRAC نے پایا کہ دونوں جھنڈوں میں نمایاں فرق ہے۔ ذیل میں ہم مسلم لیگ اور پاکستان کے جھنڈوں کا کولاج پیش کر رہے ہیں جس سے واضح ہوتا ہے کہ ویڈیو میں نظر آنے والا جھنڈا پاکستان کا نہیں بلکہ مسلم لیگ کا ہے۔

dfrac

اس سے ایک حقیقت یہ بھی واضح ہو گئی ہے کہ یہ جھنڈا کسی اسلامی ملک کا نہیں بلکہ ہندوستان کی ایک سیاسی پارٹی کا ہے۔

تیسرا- ہم نے ویڈیو کے اصل ماخذ کو جاننے کی کوشش کی اور یہ بھی کہ کیا یہ ویڈیو بھارت جوڑو یاترا کا ہے؟ اس تناظر میں، DFRAC کی ٹیم فی الحال کام کر رہی ہے، جیسے ہی ویڈیو کا اوریجنل سورس معلوم ہو گا، اسٹوری کو اپ ڈیٹ کر دیا جائے گا۔

دعویٰ: راہل گاندھی کی بھارت جوڑو یاترا میں پھہرایا گیا پاکستان کا جھنڈا

دعویٰ کنندگان: سوشل میڈیا یوزرس

فیکٹ چیک: گمراہ کن