پاکستانی پروپیگنڈا اکاؤنٹس ایک ویڈیو شیئر کر رہے ہیں، جس میں دعویٰ کیا گیا ہے کہ ٹائمز آف انڈیا کی صحافی دیویا کوچر نے اپنے شوہر، @AdityaRajKaul، پر شملہ میں این ڈی ٹی وی کی اینکر مالیکا ملہوترا کے ساتھ معاشقہ ہونے کا الزام لگایا ہے۔ ساتھ ہی، انہوں نے لائیو نشریات کے دوران یہ بھی اعلان کیا کہ وہ اپنے شوہر کو طلاق دے دیں گی۔
پوسٹ کے کیپشن میں لکھا ہے: ’’آدتیہ راج کول کی اہلیہ دیویا کوچر نے ٹائمز آف انڈیا کی لائیو نشریات کے دوران انکشاف کیا کہ ان کے شوہر کا این ڈی ٹی وی کی ایک اینکر کے ساتھ معاشقہ ہے۔‘‘
حقیقت:
DFRAC کی ٹیم نے پایا کہ اس ویڈیو کو ڈیجیٹل طریقے سے تبدیل کیا گیا ہے۔ @DivyaKocharr کی اصل ویڈیو میں آدتیہ راج کول اور @malhotra_malika کے درمیان مبینہ معاشقے کے بارے میں کوئی بات نہیں کی گئی ہے، اور نہ ہی اس میں طلاق کا کوئی اعلان شامل ہے۔
صحافی بھارت کے آئندہ ملٹی رول ہیلی کاپٹروں کے لیے ’’اراؤلی‘‘ ہیلی کاپٹر انجن مشترکہ طور پر تیار کرنے کے سلسلے میں ایچ اے ایل (HAL) اور فرانسیسی کمپنی سفراں (Safran) کے درمیان ہونے والے معاہدے کی رپورٹنگ کر رہی تھیں۔
اس کے علاوہ، ہم نے اس وائرل ویڈیو کو مصنوعی ذہانت سے تیار کردہ مواد کی شناخت کرنے والے پلیٹ فارمز، ’’ژوکو اے آئی ڈیٹیکشن اسسٹنٹ‘‘ (Zhuque AI Detection Assistant)، ’’ڈیٹیکٹ ویڈیو اے آئی‘‘ (Detect Video AI) اور ’’ہائو‘‘ (Hive) پر بھی اپ لوڈ کیا۔ ان تمام پلیٹ فارمز نے اس ویڈیو کو اے آئی سے تیار کردہ قرار دیا۔
ہم نے اس وائرل ویڈیو پر تبصرے کے لیے اے آئی کے ماہر اور سنکساس ٹیکنالوجیز (SYNCSAS Technologies) کے ڈائریکٹر عاصم شیخ سے بھی رابطہ کیا۔ اپنے بیان میں انہوں نے کہا کہ ویڈیو میں دکھائی دینے والے چہرے کے تاثرات اور بول چال کے غیر فطری انداز کا جائزہ لینے کے بعد یہ کہا جا سکتا ہے کہ اس ویڈیو میں کسی اے آئی ٹول کا استعمال کرکے ردوبدل (مینیپولیشن) کیا گیا ہے۔
نتیجہ:
یہ وائرل ویڈیو ڈیجیٹل طور پر چھیڑ چھاڑ کرکے تیار کی گئی ہے، جبکہ اصل فوٹیج میں دیویا کوچر نے ایسا کوئی بیان نہیں دیا تھا۔
