سوشل میڈیا پر ایک بزرگ کی ویڈیو وائرل ہو رہی ہے۔ ویڈیو شیئر کرتے ہوئے یوزرس کا دعویٰ ہے کہ "مسلمان نہیں چاہتے کہ یورپ میں رہنے والے بیئر پئیں اور ساسیج کھائیں۔اس پر آپ کا ردعمل کیا ہوگا؟”
فیکٹ چیک
پڑتال کرنے پر ڈی فریک نے پایا کہ یہ ویڈیو بوسنیا کی ہے۔ بوسنیا جنوب مشرقی یورپ کا ایک ملک ہے جو جزیرہ بلقان پر واقع ہے۔ ہمیں اس ویڈیو کے حوالے سے بہت سی میڈیا رپورٹس ملیں۔ ووکس ڈاٹ بی اے کی رپورٹ کے مطابق “کچھ دن پہلے سوشل نیٹ ورکس پر دو ویڈیو کلپس سامنے آئے جن میں امام کے لباس کا غلط استعمال کیا گیا ہے اور اسلام کا مذاق اڑایا گیا ہے۔ تاہم، بوسنیا اور ہرزیگوینا میں اسلامی کمیونٹی کے اماموں کے پورٹل اور ڈائسپورا نے تصدیق کی ہے کہ ویڈیو کلپس فیک ہیں۔
مزید برآں، ہمیں بلیک کرونیکل کی ایک رپورٹ بھی ملی جس میں وائرل ویڈیو کے بارے میں اسی طرح کے فیکٹ بتائے گئے ہیں۔
نتیجہ
ڈی فریک کے فیکٹ چیک سے واضح ہے کہ وائرل ویڈیو ،جس میں دعویٰ کیا گیا ہے کہ مسلمان نہیں چاہتے کہ یورپ میں رہنے والے بیئر پییں اور ساسیج کھائیں، گمراہ کن ہے۔ اصل میں یہ ویڈیو فیک اور اسکرپٹیڈ ہے۔
