آج 13 جنوری 2025 سے ہندوستان میں ہندوؤں کا عظیم تہوار کمبھ میلہ شروع ہو گیا ہے۔ جس کا اختتام 26 فروری کو ہوگا۔ پریاگ راج ،الہ آباد، کے سنگم شہر میں کمبھ کا انعقاد کیا جا رہا ہے۔ اب سوشل میڈیا پر ایک ویڈیو وائرل ہو رہا ہے جس میں دو سادھو کو ایک دوسرے سے کشتی کرتے دیکھا جا سکتا ہے۔ یوزرس اس ویڈیو کو شیئر کر دعویٰ کر رہے ہیں کہ یہ کمبھ میلے کا ویڈیو ہے۔
فیکٹ چیک
ڈی فریک ٹیم نےپڑتال کے لیے ویڈیو کے کی فریمس کو ریورس امیج سرچ کیا۔ ہم نے پایا کہ یہ ویڈیو انٹرنیٹ پر جولائی 2024 سے دستیاب ہے اور بہت سے یوزرس اس ویڈیو کو کیدارناتھ کا بتایا ہے۔
اس کے علاوہ جے کے نیوز 7 پر بھی یہ ویڈیو کیدارناتھ کا بتایا گیا ہے۔
اسی طرح دو سادھوؤں کے درمیان لڑائی کا یہ ویڈیو ڈھنچک خبرے یوٹیوب چینل پر 15 جولائی 2024 کو اپ لوڈ کیا گیا ہے اور اسے کیدارناتھ کا بتایا گیا ہے۔
نتیجہ
ڈی فریک کے فیکٹ چیک سے واضح ہے کہ اس ویڈیو کو یوزرس کمبھ میلے کا بتاکر گمراہ کن دعوے کر رہے ہیں۔ یہ کمبھ میلے کی ویڈیو نہیں ہے بلکہ جولائی 2024 کی کیدارناتھ کی ویڈیو ہے۔
