آج تک کی خبر کا ویڈیو گرافک سوشل میڈیا پر شیئر کر دعویٰ کیا جا رہا ہے کہ وزیر اعظم نریندر مودی کا 92 سال کی عمر میں انتقال ہو گیا ہے۔ اس خبر کے بیک گراؤنڈ میں اینکر کی آواز بھی سنائی دے رہی ہے جس میں اینکر کہتی ہے کہ ہم آپ کو ایمس کی یہ پریس ریلیز دکھا رہے ہیں، جس میں بتایا گیا ہے کہ وزیر اعظم نریندر مودی کا 92 سال کی عمر میں۔۔۔
مینل سلطان نامی یوزر نے پوسٹ شیئر کر لکھا، ’’وزیراعظم نریندر مودی 92 سال کی عمر میں انتقال کر گئے،
اس کے علاوہ دیگر یوزر نے بھی پوسٹ شیئر کر ایسا ہی دعویٰ کیا ہے جسے یہاں کلک کر دیکھا جا سکتا ہے۔
فیکٹ چیک
ڈی فریک ٹیم نے وائرل دعوے کی پڑتال کی۔ ہم نے پایا کہ وائرل دعویٰ غلط ہے۔ ہمیں پی ایم مودی کے انتقال سے متعلق کوئی میڈیا رپورٹ نہیں ملی، تاہم ہمیں آجتک کی ایک رپورٹ ملی جو 27 دسمبر 2024 کو شائع ہوئی ہے۔ جس میں بتایا گیا ہے کہ سابق وزیر اعظم منموہن سنگھ کا 92 سال کی عمر میں دہلی کے ایمس میں انتقال ہو گیا ہے۔ ان کا انتقال 26 دسمبر کو رات 9:51 بجے ایمس میں ہوا ہے۔ سابق وزیر اعظم ڈاکٹر منموہن سنگھ طویل عرصے سے صحت کے مسائل کا سامنا کر رہے تھے۔ اس کے علاوہ یوزر کی جانب سے شیئر کیے گئے گرافک میں سابق وزیر اعظم منموہن سنگھ کے انتقال کا ذکر کیا گیا ہے۔
اس کے علاوہ بی بی سی ہندی کی 26 دسمبر 2024 کی رپورٹ میں بتایا گیا ہے کہ سابق وزیر اعظم ڈاکٹر منموہن سنگھ کا جمعرات کو انتقال ہو گیا۔ ان کی عمر 92 برس تھی۔ منموہن سنگھ کی طبیعت بگڑنے پر انہیں جمعرات کی شام دہلی کے آل انڈیا انسٹی ٹیوٹ آف میڈیکل سائنسز ،ایمس میں داخل کرایا گیا تھا۔ منموہن سنگھ دو بار ہندوستان کے وزیر اعظم رہے۔ وہ 22 مئی 2004 سے 26 مئی 2014 تک ملک کے وزیر اعظم تھے۔
نتیجہ
ڈی فریک کے فیکٹ چیک سے واضح ہے کہ دو بار ہندوستان کے وزیر اعظم رہے ڈاکٹر منموہن سنگھ کا انتقال ہوا ہے۔ جسے پی ایم نریندر مودی کے انتقال کا بتا کر گمراہ کن دعویٰ کیا گیا ہے۔
