فیکٹ چیک -سہارنپور میں نوجوانوں کی پٹائی کا ویڈیو راجستھان کے بھیلواڑہ کا  بتاکر وائرل

تھانے میں پولیس اہلکاروں کے کچھ نوجوانوں کو لاٹھیوں سے پیٹنے کا ویڈیو سوشل میڈیا پر وائرل ہے۔ یوزرس اس ویڈیو کو راجستھان کے بھیلواڑہ کا بتا رہے ہیں۔ یوزرس لکھ رہے ہیں کہ بھیلواڑہ میں 25 اگست کو گائے کی دم کاٹ کر مندر کے دروازے پر رکھنے والے نوجوانوں کو پولیس نے پیٹا ہے۔

Link

اس ویڈیو کو کئی دوسرے یوزرس نے بھی شیئر کیا ہے۔ جسے یہاں، یہاں اور یہاں  کلک کرکے دیکھا جاسکتا ہے۔

فیکٹ چیک

ڈی فریک ٹیم نے پڑتال کرنے پر پایا کہ وائرل ویڈیو راجستھان کے بھیلواڑہ کا نہیں ہے، یہ اتر پردیش کے سہارنپور کا سال 2022 کا ویڈیو ہے۔ اس ویڈیو کے ساتھ ہمیں آج تک، این ڈی ٹی وی، بی بی سی سمیت کئی میڈیا رپورٹس ملیں جن میں اس واقعہ کو سہارنپور کا بتایا گیا ہے۔

Link

این ڈی ٹی وی کی 15 جون 2022 کی رپورٹ کے مطابق، "پیغمبر تنازعہ معاملہ میں سہارنپور، یوپی میں احتجاج کے بعد، پولیس نے گرفتار لوگوں کے ساتھ انتہائی وحشیانہ سلوک کیا، تاہم، پولیس نے حراست میں تشدد کرنے سے صاف انکار کر دیا۔ لیکن این ڈی ٹی وی کو موصول اطلاعات کے مطابق یہ ویڈیو سہارنپور کا ہی ہے۔

Link

اس پر بی بی سی نے بھی 17 جون 2022 کو متاثرہ نوجوان کے اہل خانہ کے بیانات کے ساتھ ایک تفصیلی رپورٹ شائع کی تھی۔

Link

اس کے علاوہ یوپی کے سابق سی ایم اکھلیش یادو نے 11 جون 2022 کو وائرل ویڈیو پوسٹ کرکے یوپی حکومت اور پولیس کے کام کاج کو نشانہ بنایا تھا۔

Link

نتیجہ

ڈی فریک کے فیکٹ چیک سے یہ واضح ہے کہ سوشل میڈیا پر وائرل ویڈیو راجستھان کے بھیلواڑہ کا نہیں ہے۔ یہ جون 2022 میں اتر پردیش کے سہارنپور میں نوجوانوں کی پولیس کے ذریعہ کی گئی پٹائی کی ویڈیو ہے۔ لہذا یوزرس کا دعویٰ گمراہ کن ہے۔