سوشل میڈیا پلیٹ فارم ایکس پر دعویٰ کیا گیا ہے کہ کانگریس کے رہنما راہل گاندھی نے کشمیر، پاکستان کو دیے جانے کا بیان دیا ہے۔ اے بی پی نیوز کے بریکنگ نیوز کے اسکرین شاٹ میں ٹیکسٹ لکھا گیا ہے کہ- ’کشمیر پاکستان کو دے دینا چاہیے-راہل گاندھی‘
سوشل میڈیا پر منوج شریواستو نامی ایکس یوزر (@ManojSr60583090) نے اسے شیئر کیا ہے۔
فیکٹ چیک:
DFRAC ٹیم نے اے بی پی نیوز کے اسکرین شاٹ کی حقیقت جاننے کے لیے کانگریس کے رہنما راہل گاندھی کے بیان کو گوگل پر سرچ کیا۔ ہمیں راہل گاندھی کا یہ بیان نہیں ملا۔
اس کے بعد ہماری ٹیم نے اے بی پی نیوز کی ویب سائٹ وزٹ کی اور یہاں سرچ بار میں راہل گاندھی کے اس بیان کو سرچ کیا مگر ہمیں یہاں بھی کشمیر پر ان کا ایسا کوئی بیان نہیں ملا۔
DFRAC ٹیم نے ایکس پر ایڈوانسڈ سرچ بھی کیا، مگر ہمیں اے بی پی نیوز کی نشر/شائع کردہ ایسی کوئی نیوز نہیں ملی۔
مزید بر آں ہماری ٹیم نے اسکرین شاٹ کوfotoforensics.com پر سرچ کیا، ٹیم نے پایا کہ یہ اسکرین شاٹ ایڈٹ کرکے بنایا گیا ہے۔
نتیجہ:
زیر نظر DFRAC کے اس فیکٹ چیک سے واضح ہے کہ وائرل اسکرین شاٹ ایڈیٹیڈ/Fake ہے، اس لیے منوج شریواستو (@ManojSr60583090) کا دعویٰ غلط ہے۔
