14 جنوری 2024 کو عالمی شہرت یافتہ ملک کے معروف شاعر منور رانا کا انتقال ہو گیا۔ ایک طرف پورا ملک ان کی موت کی خبر سن کر سوگ میں ڈوب گیا۔ PM مودی سمیت مختلف شعبوں کی ہستیوں نے اظہارِ رنج و غم کیا تو وہیں، سوشل میڈیا پر کیپشن ’منور رانا تو بس جھانکی ہے، کپل سبل ابھی باقی ہیں‘ کے تحت ایک گرافیکل امیج وائرل ہو رہا ہے۔ اس میں 71 سال کی عمر میں مشہور شاعر منور رانا کے انتقال کی خبر کے ساتھ لکھا ہے،’کھرا سونا انسان ہے، بولا تھا کہ اگر مندر بنا تو دیش چھوڑ دونگا!‘
دلیپ کمار سمیت دیگر سوشل میڈیا یوزرس نے گرافیکل امیج شیئر کیا ہے۔
X Archive Post Link
X Archive Post Link
X Archive Post Link
فیکٹ چیک:
رام مندر پر وائرل گرافیکل امیج میں لکھے منور رانا کے بیان کے تناظر میں DFRAC ٹیم نے گوگل پر مختلف کچھ کی-ورڈ کی مدد سے سرچ کیا مگر ہمیں کہیں ایسی کوئی نیوز نہیں ملی۔
ہم نے پایا کہ @JournoMirror کے انفوگراف کو ایڈٹ کرکے مذکورہ بیان لکھا گیا ہے۔
میڈیا رپوٹس کے مطابق منور رانا نے سنہ 2022 میں بیان دیا تھا کہ-’اگر یوگی پھر سے وزیر اعلیٰ بنے تو یوپی چھوڑ دوں گا‘۔
نتیجہ:
زیر نظر DFRAC کے فیکٹ چیک سے واضح ہے کہ وائرل گرافیک میں منور رانا کے حوالے سے رام مندر بننے پر ملک چھوڑنے کا بیان فرضی ہے، لہٰذا یوزرس کا دعویٰ غلط ہے۔
