سوشل میڈیا پر ایک ویڈیو وائرل ہو رہا ہے۔ اس ویڈیو میں دیکھا جا سکتا ہے کہ فوج کے کچھ جوان اور ریلوے ملازمین ہاتھ سے دھکا دے کر پٹری پر رکی ہوئی ایک ٹرین کو چلانے کی کوشش کر رہے ہیں۔ یوزرس اس ویڈیو کو سوشل میڈیا پر مسلسل شیئر کر رہے ہیں۔
ٹویٹر پر ٹائم8 نامی ویریفائیڈ اکاؤنٹ کی جانب سے یہ ویڈیو پوسٹ کیا گیا اور لکھا گیا،’فوج-پولیس کے جوانوں نے ٹرین کو دھکا دے کر چلایا، ویڈیو ہوا وائرل‘۔
Source: Twitter
ڈیجیٹل نیوز میڈیا Time8 ایک مقبول اکاؤنٹ ہے، جس کے ٹویٹر پر 92.6 فالوورس ہیں۔
Source: Twitter
ٹویٹر پر ’ہم لوگ We The People‘ نامی ایک دیگر یوزرس نے بھی یہی ویڈیو پوسٹ کرکے کیپشن دیا،’ٹرین نہیں چلی تو فوج-پولیس کے جوانوں نے دھکا دے کر چلایا!‘ وائرل ویڈیو فلک نما ایکسپریس‘۔
علاوہ ازیں، بھارت سماچار نامی یوٹیوب چینل نے بھی اپنے یوٹیوب چینل پر اس ٹائٹل کے ساتھ ویڈیو اپلوڈ کیا،’جب ٹرین اسٹارٹ نہیں ہوئی تو جوانوں نے اسے مینیول طور پر دھکا دے کر چلایا، یہ ویڈیو سوشل میڈیا پر وائرل ہو گیا‘۔
Source: YouTube
فیکٹ چیک:
وائرل ویڈیو کی حقیقت جاننے کے لیے DFRACکی ٹیم نے پہلے ویڈیو کو کچھ کی-فریم میں کنورٹ کرکے ریورس سرچ کیا۔ دریں اثنا، ہمیں فلک نما ایکسپریس ٹرین میں لگی شدید آگ کی خبر سے متعلق کچھ میڈیا رپورٹس ملیں۔
نیوز ویب سائٹ NDTV نے اس خبر کو اس سرخی کے ساتھ پبلش کیا ہے کہ-’تلنگانہ میں فلک نما ایکسپریس کے 3 ڈبوں میں آتشزدگی، کسی کے زخمی ہونے کوئی اطلاع نہیں‘۔
اس خبر میں بتایا گیا ہے کہ تلنگانہ کے بومئیپلی اور پگڑیپلی کے مابین فلک نما ایکسپریس کے تین ڈبوں میں آگ لگ گئی، جس کے بعد اسے روک دیا گیا۔ سبھی مسافر ٹرین سے اتر گئے اور کسی کے زخمی ہونے کی کوئی خبر نہیں ہے۔
Source: NDTV
وہیں آج تک نے بھی خبر کو اس سرخی کے ساتھ پبلش کیا،’تلنگانہ: چلتی ٹرین میں لگی آگ، تین ڈبے جل کر خاک، مسافروں میں دہشت‘ اطلاعات کے مطابق مغربی بنگال سے سکندر آباد جانے والی فلک نما ایکسپریس میں تلنگانہ کے پگڑیپلی میں آگ لگ گئی۔ ٹرین کے قریب تین ڈبوں میں آگ لگ گئی۔ مسافروں کو اتار کر دوسری ٹرین سے بھیجا جا رہا تھا۔
Source: AAJTAK
نتیجہ:
زیر نظر DFRAC فیکٹ چیک سے واضح ہےکہ فوج کے جوانوں اور ریلوے ملازموں نے ٹرین کو دھکا دے کر شروع کرنے کا دعویٰ کرنے والا وائرل ویڈیو گمراہ کُن ہے، کیونکہ وائرل ویڈیو تلنگانہ کے پگڑیپلی میں فلک نما ایکسپریس میں ہوئی شدید آتشزدگی سے متعلق ہے۔
