لوک سبھا میں قائد حزب اختلاف راہل گاندھی اور مہاراشٹر کے سابق وزیراعلیٰ ادھو ٹھاکرے کی ایک تصویر سوشل میڈیا پر وائرل ہے۔ وائرل تصویر میں دیکھا جا سکتا ہے کہ ادھو ٹھاکرے راہل گاندھی کو سلام کرتے ہوئے جھک رہے ہیں۔ اس تصویر کو شیئر کرنے والے سوشل میڈیا یوزرس ادھو ٹھاکرے کی تنقید رہے ہیں کہ ادھو اقتدار کے لالچ میں راہل گاندھی کے سامنے جھک گئے۔
اس تصویر کو کئی دوسرے یوزرس نے بھی شیئر کیا ہے، جسے یہاں اور یہاں کلک کرکے دیکھا جا سکتا ہے۔
فیکٹ چیک
ڈی فریک ٹیم نے وائرل تصویر کی جانچ کی۔ ہم نے پایا کہ وائرل تصویر دو مختلف تصاویر کو ملا کر بنائی گئی ہے۔ جسے نیچے دئیے گئے گرافکس میں دیکھا جا سکتا ہے۔
پہلی تصویر ادھو ٹھاکرے کی کانگریس ہیڈکوارٹر میں راہل گاندھی اور کانگریس صدر ملکارجن کھرگے سے ملاقات کی ہے۔ اس تصویر میں دیکھا جا سکتا ہے کہ ادھو ٹھاکرے راہل گاندھی کے ساتھ کھڑے ہیں۔ اس ملاقات کی تصویر اے این آئی اور ٹائمز آف انڈیا سمیت کئی میڈیا ہاؤسز نے فیس بک پر پوسٹ کی ہے۔
دوسری تصویر ادھو ٹھاکرے کی دہلی کے وزیر اعلی اروند کیجریوال کے اہل خانہ سے ملاقات کی ہے، جب وہ کیجریوال کے والدین کو سلام کر رہے ہیں۔ اس میٹنگ میں آدتیہ ٹھاکرے، شیوسینا کے رکن پارلیمنٹ سنجے راوت اور عام آدمی پارٹی کے رکن پارلیمنٹ سنجے سنگھ موجود تھے۔ کیجریوال کے خاندان سے ادھو کی ملاقات کی تصویر شیوسینا کے آفیشل ایکس ہینڈل سے پوسٹ کی گئی ہے۔
نتیجہ
ڈی فریک کے فیکٹ چیک سے واضح ہے کہ سوشل میڈیا یوزرس کی جانب سے شیئر کی گئی تصویر ایڈیٹیڈ ہے۔ دو مختلف تصویروں کو جوڑ کر، ادھو ٹھاکرے کو راہل گاندھی کے سامنے جھکتے ہوئے دکھایا گیا ہے۔ لہذا یوزرس کا دعویٰ گمراہ کن ہے۔
