دعویٰ:
رائٹرز کی ایک رپورٹ میں بتایا گیا کہ ہندوستان کی ایک کمپنی نے دسمبر میں روس کو 14 لاکھ ڈالر کا ایک ایسا کیمیکل بیچا جو دھماکہ خیز ہو سکتا ہے اور فوجی کاموں میں استعمال ہو سکتا ہے۔ یہ سب ہندوستانی کسٹمز کے ریکارڈ کے حوالے سے بتایا گیا، حالانکہ امریکہ نے خبردار کیا تھا کہ جو ادارے روس کی جنگ میں مدد کریں گے، ان پر پابندیاں لگ سکتی ہیں۔
اس کے علاوہ ایک اور آرٹیکل "دی اسٹریٹس ٹائمز” نامی نے بھی یہ خبر کو شیئر کیا، جس میں بتایا گیا کہ ’’ایک ہندوستانی فرم، آئیڈیل ڈیٹونیٹرز نے دسمبر میں 1.4 ملین ڈالر کا HMX، جو ایک فوجی گریڈ کا دھماکہ خیز مواد ہے، روسی کمپنیوں کو برآمد کیا، جس میں روس کی فوج سے منسلک Promsintez بھی شامل ہے۔‘‘
فیکٹ چیک:
فیکٹ چیک کے دوران ہم نے اس ہندوستانی کمپنی "آئیڈیل ڈیٹونیٹرز پرائیویٹ لمیٹڈ” سے فون اور ای میل کے ذریعے بات کی۔ کمپنی نے صاف کہا کہ جو سامان انہوں نے روس کو بھیجا، وہ بالکل بھی دھماکہ خیز نہیں تھا اور صرف عام (سول) استعمال، خاص طور پر کوئلے کی تلاش کے لیے بھیجا گیا تھا۔ کمپنی نے یہ بھی بتایا کہ ان کا ہر کام حکومت کے قانون کے مطابق اور اجازت ناموں کے ساتھ ہوتا ہے۔
نتیجہ:
DFRAC کے فیکٹ چیک سے صاف ہے کہ یہ وائرل دعویٰ غلط ہے۔ کمپنی نے خود واضح کر دیا کہ انہوں نے کوئی دھماکہ خیز مواد نہیں بھیجا اور سامان صرف عام کاموں کے لیے تھا، جنگی استعمال کے لیے نہیں۔
