سوشل میڈیا پر ایک وزیٹنگ کارڈ وائرل ہو رہا ہے۔ اس وزیٹنگ کارڈ سے متعلق دعویٰ کیا گیا ہے کہ حلالہ کے بعد بیگم کو فوراً واپس کردیا جاتا ہے۔ اس پوسٹر کو شیئر کرکے سوشل میڈیا یوزرس دینِ اسلام پر طنز کر رہے ہیں۔ اس وزیٹنگ کارڈ کے اوپری حصے میں لکھا ہے،’ہمارے یہاں بیگم حلالہ کرنے کے بعد فوراً واپس کر دی جاتی ہے‘۔
اس پوسٹر کو شیئر کرتے ہوئے جتیندر تیاگی نامی یوزر نے لکھا،’حلالہ کے بعد بیگم فوراً واپس کرنے کی گارنٹی 🤣 #Viral poster‘۔
جتیندر نارائن تیاگی نے اپنے بایو میں بتایا ہے کہ وہ پہلے وسیم رضوی کے نام سے جانا جاتا تھا، جو شیعہ وقف بورڈ کا چیئرمین تھا۔
وہیں کچھ دیگر یوزرس کی جانب سے بھی اس وزیٹنگ کارڈ کو شیئر کیا جا رہا ہے۔
فیکٹ چیک:
وائرل وزیٹنگ کارڈ کا فیکٹ چیک کرنے کے لیے DFRAC ٹیم نے وزیٹنگ کارڈ کے حوالے سے سوشل میڈیا پر سرچ کیا۔ ہمیں یہ وزیٹنگ کارڈ ایک یوزر کے 9 فروری 2016 کے پوسٹ میں ملا۔ اس ٹویٹ میں صرف ختنہ سے متعلق طنز کیا گیا ہے۔
اس وزیٹنگ کارڈ پر کہیں بھی،’ہمارے یہاں بیگم حلالہ کرنے کے بعد فوراً واپس کر دی جاتی ہے‘۔ نہیں لکھا گیا ہے۔ یہاں دیے گئے کولاج میں آپ دونوں وزیٹنگ کارڈ کو دیکھ سکتے ہیں۔
وہیں ہماری ٹیم نے اس وزیٹنگ کارڈ پر دیے گئے نمبر پر کال کرکے معلوم کرنے کی کوشش کی، لیکن نمبر سوئچ آف جا رہا ہے۔ تاہم Truecaller ایپلی کیشن پر، یہ نمبر ’حاجی للو ختنہ‘کے نام سے دکھا رہا ہے۔
نتیجہ:
زیرِ نظر DFRAC کے فیکٹ چیک سے واضح ہے کہ 2016 میں شیئر کیے گئے وزیٹنگ کارڈ پر کہیں بھی حلالہ کا ذکر نہیں ہے، اس لیے سوشل میڈیا یوزرس کا دعویٰ غلط ہے۔ وہیں ہماری ٹیم وزیٹنگ کارڈ پر دیے گئے نمبر پر رابطہ کرنے کی کوشش کر رہی ہے، رابطہ ہونے پر ’اسٹوری‘ اپڈیٹ کر دی جائے گی۔
