وزیر اعظم نریندر مودی نے دہلی میں جدید پارلیمنٹ ہاؤس کا افتتاح اتوار 28-مئی 2023 کو کیا۔ وہیں جنتر منتر پر بی جے پی رکن پارلیمنٹ برج بھوشن سنگھ کے خلاف مظاہرہ کرنے والے پہلوانوں نے مہیلا مہاپنچایت کا اعلان کیا تھا۔ پہلوان پارلیمنٹ کی نئی عمارت کی طرف چند قدم ہی بڑھ پائے تھے کہ دہلی پولیس نے انھیں حراست میں لے لیا۔ پولیس کارروائی کی تصاویر اور ویڈیوز سوشل میڈیا پر وائرل ہوگئیں۔ ان میں سے ایک تصویر میں خاتون پہلوان وِنیش پھوگاٹ، سنگیتا پھوگاٹ اور دیگر کو پولیس وین میں بیٹھ کر مسکراتے ہوئے سیلفی لیتے دیکھا جا سکتا ہے۔
بالی ووڈ فلمساز اشوک پنڈت نے کانگریس کے رہنما راج ببر کو کوٹ ری-ٹویٹ کیا اور وہی تصویر شیئر کرتے ہوئے لکھا،’محترم راج جی، سڑک پر ڈرامے کے بعد یہ ان کا اصلی چہرہ! یہ ایک ٹول کٹ کا حصہ بن چکے ہیں جو اپنے ملک کو توڑنے کا کام کرتے ہیں! فخرِ ملک آج رو بہ انحطاط ہے!‘
درحقیقت راج ببر کی جانب سے ایک ویڈیو ٹویٹ کر لکھا گیا تھا،’پارلیمنٹ کے اندر جمہوریت کی باتیں- باہر تھوڑی دور پر تپتی گرمی میں سڑک پر بیٹیوں کو گھسیٹا گیا، کیا یہی ہے سینگول کا پہلا انصاف؟ کوئی بھی دلیل گڑھ لیں- لیکن یہ منظر ناانصافی اور اقتدار کی لے لگامی کی انتہاء ہے۔ ہونہاروں پر یہ بربریت ملک نہیں بھولے گا #WrestlersProtests‘۔
संसद के भीतर लोकतंत्र की बातें – बाहर थोड़ी दूर पर तपती गर्मी में सड़क पर बेटियों को घसीटा गया – क्या यही है Sengol का पहला न्याय ?
— Raj Babbar (@RajBabbar23) May 28, 2023
कोई भी तर्क गढ़ लें – लेकिन ये दृश्य अन्याय और सत्ता की निरंकुशता का चरम है। होनहारों पर ये बर्बरता देश नहीं भूलेगा।#WrestlersProtests pic.twitter.com/l96ZuRaQQH
کریئیٹلی میڈیا کی جانب سے دو تصویروں کا ایک کولاج شیئر کرکے لکھا گیا ہے،’Caption this‘ (اسے کیپشن دیں)۔
پہلی تصویر میں دیکھا جا سکتا ہے کہ سنگیتا پھوگاٹ زمین پر ہیں، ان کے ہاتھ میں ترنگا ہے اور ان کے اوپر ونیش پھوگاٹ ہیں۔ پولیس انھیں اس طرح حراست میں لینے کی کوشش کر رہی ہے۔
اسی طرح اس تصویر کو دیگر یوزرس نے بھی بڑے پیمانے پر شیئر کیا ہے، جن میں ویریفائیڈ یوزرس کی ایک بڑی تعداد ہے۔
Mission Toolkit accomplished. #WrestlersProtest pic.twitter.com/Nw7P2olHeT
— Abhijit Majumder (@abhijitmajumder) May 28, 2023
Tweet Archive Link
فیکٹ چیک:
وائرل تصویر کی حقیقت جاننے کے لیے DFRAC ٹیم نے اسے گوگل پر ریورس امیج سرچ کیا۔ ہمیں یہی تصویر پہلوان بجرنگ پونیا کے ایک ٹویٹ میں ملی۔
پونیا نے وائرل تصویر پر فیک کا اسٹیمپ لگاکر، اصل تصویر ٹویٹ کر وارننگ دی ہے۔ انہوں نے لکھا ہے،’آئی ٹی سیل والے یہ جھوٹی تصویر پھیلا رہے ہیں۔ ہم واضح کر دیتے ہیں کہ جو بھی یہ فرضی تصویر پوسٹ کرے گا اس کے خلاف شکایت درج کروائی جائے گی‘۔
IT Cell वाले ये झूठी तस्वीर फैला रहे हैं। हम ये साफ़ कर देते हैं की जो भी ये फ़र्ज़ी तस्वीर पोस्ट करेगा उसके ख़िलाफ़ शिकायत दर्ज की जाएगी। #WrestlersProtest pic.twitter.com/a0MngT1kUa
— Bajrang Punia 🇮🇳 (@BajrangPunia) May 28, 2023
دریں اثنا، ہمیں رام نہال موریا کی جانب سے شیئر کیا گیا ایک ویڈیو ملا، جسے انہوں نے کیپشن دیا ہے،’یہ ویڈیو صرف دَلّے ٹائپ صحافیوں کے لیے‘۔
اس ویڈیو میں دیکھا جا سکتا ہے کہ فیس ایپ کے ذریعے ونیش پھوگاٹ اور ان کے ساتھیوں کو کتنی آسانی سے مسکراتے ہوئے دکھایا جا رہا ہے۔
यह वीडियो सिर्फ दल्ले टाइप के पत्रकारों के लिए। pic.twitter.com/IuO7SVkpNp
— Ram Nihal Maurya (@ramNmaurya) May 29, 2023
نتیجہ:
پہلوان بجرنگ پونیا کے ٹویٹ سے واضح ہے کہ بی جے پی کے رکن پارلیمنٹ اور ریسلنگ فیڈریشن آف انڈیا کے سابق صدر برج بھوشن شرن سنگھ کے خلاف جنسی الزامات کے تناظر میں احتجاج کرنے والی خاتون پہلوان، پولیس وین میں مسکراتے ہوئے سیلفی لینے کی تصویر، فیک ہے، اس لیے اشوک پنڈت سمیت دیگر سوشل میڈیا یوزرس کا دعویٰ غلط ہے۔
